ء«ار زاماننىڭ ءوز باتىرلارى بار. وسى جانە وتكەن جىل وڭاي بولعان جوق. ارتىلعان جۇكتەمە مەن تاۋەكەلدەر ەسەلەپ ءوستى, الايدا دارىگەرلەرىمىزدىڭ, ءتارتىپ ساقشىلارىنىڭ, قۇتقارۋشىلاردىڭ, ەرىكتىلەردىڭ قاجىرلى ەڭبەگىنىڭ ارقاسىندا مىڭداعان ادامنىڭ ءومىرىن قۇتقارۋ مۇمكىن بولدى.
ەل تاۋەلسىزدىگىنىڭ 30 جىلدىعى قارساڭىندا الەۋمەتتىك ماڭىزى بار ماماندىق وكىلدەرىنىڭ قۇرمەتىنە كونتسەرت ۇيىمداستىرىلىپ, ولارعا «التىن جۇرەكتى جاندار» مۇسىنشەلەرى تابىس ەتىلدى. ولاردىڭ قاتارىندا مەديتسينا قىزمەتكەرلەرى, پەداگوگتەر, تجد, پوليتسيا دەپارتامەنتىنىڭ قىزمەتكەرلەرى, كوممۋنالدىق قىزمەتكەرلەر, ەرىكتىلەر, جۋرناليستەر بار.
مىسالى, ماراپاتتالعاندار اراسىندا جەدەل جاردەم جۇرگىزۋشىسى ەركىن كوكسەگەن بار. ول پاندەميا كەزىندە مىڭنان استام ناۋقاسقا كومەكتەستى; مارينا ماكيەنكو - «قىزىل ايماقتا» العاشقىلاردىڭ ءبىرى بولىپ جۇمىس ىستەگەن, ەرنۇر مارات ۇلى - تاجىريبەلى انەستەزيولوگ–رەانيماتولوگ, مەديتسينا سالاسىندا 25 جىلدان استام ۋاقىت جۇمىس ىستەپ كەلەدى.
اسان بالتاباەۆ ايەلدى بالالارىمەن بىرگە وتتان قۇتقاردى, ال الماز قۇلتانوۆ سۋعا باتىپ بارا جاتقان ايەلدى قۇتقاردى.
سونداي-اق, كۇن سايىن ءبىزدىڭ قالالىقتاردىڭ ومىرىنە اراشا تۇسەتىن قۇتقارۋشىلار/ورت سوندىرۋشىلەردىڭ; پاندەميا كەزىندە بالالارىمىزدى قاشىقتان وقىتىپ, ماتەريالدى مەڭگەرۋگە, بالالار ءۇشىن ماڭىزدى ەمتيحاندارعا دايىندالۋعا كومەكتەسكەن مۇعالىمدەردىڭ; بەتپەردە, ءدارى-دارمەك تاراتقان ەرىكتىلەردىڭ ەڭبەگى اتاپ ءوتىلدى.
مۇنداي مىسالدار كوپ. الەۋمەتتىك ماڭىزى بار ماماندىق يەسىنىڭ ءاربىرى — باتىر. ەڭبەكتەرىڭىز بەن كاسىبي شەبەرلىكتەرىڭىز ءۇشىن العىس ايتامىن!
ءبىز ءوز تاراپىمىزدان قولايلى جۇمىس ىستەۋ ءۇشىن جاعداي جاساۋ: تۇرعىن ءۇي ماسەلەسى, جالاقىنى ارتتىرۋ, ماتەريالدىق-تەحنيكالىق بازانى جاڭارتۋ جانە ت. ب. بويىنشا جۇمىستى جالعاستىرامىز», دەپ جازدى التاي كولگىنوۆ.
