تاراپتار ەكى ەل اراسىنداعى 30 جىل ىشىندەگى ىنتىماقتاستىق تۋرالى ايتىپ, تۇڭعىش پرەزيدەنت-ەلباسى نۇرسۇلتان نازارباەۆتىڭ ەكىجاقتى قارىم-قاتىناستاردى دامىتۋداعى تاريحي ءرولىن اتاپ ءوتتى.
نۇرلان نىعماتۋلين رەسەي قازاقستاننىڭ نەگىزگى ستراتەگيالىق سەرىكتەسى جانە وداقتاسى, سەنىمدى دوس جانە تاتۋ كورشى ەكەنىن, سونداي-اق, مەملەكەتارالىق ءوزارا ءىس-قيمىل ودان ءارى دە ارتا تۇسەتىنىن جانە وعان ەكى ەل پارلامەنتتەرى وزىندىك ۇلەس قوساتىنىن ايتتى.
ءوز كەزەگىندە, ا.جۋكوۆ قازاقستان تاۋەلسىزدىكتىڭ 30 جىلى ىشىندە اسۋلاردان ءوتىپ, ەلدەر اراسىنداعى ىنتىماقتاستىق بارلىق باعىتتارى بويىنشا قارقىندى دامىپ كەلە جاتقانىنا توقتالدى. سونىمەن قاتار نۇرلان نىعماتۋلين ءماجىلىس پەن مەملەكەتتىك دۋمانىڭ پارلامەنتارالىق كوميسسيالارى مەن پالاتا كوميتەتتەرىنىڭ بىرلەسكەن جۇمىسىن جانداندىرۋدى دا قولدادى.
وتىرىس بارىسىندا ۇقشۇ پارلامەنتتىك اسسامبلەياسى, تمد پاا اياسىنداعى ءوزارا ءىس-قيمىلدى نىعايتۋ تۋرالى ءسوز بولدى. ءماجىلىس سپيكەرىنىڭ ايتۋىنشا, مودەلدىك زاڭدار, ۇسىنىمدار مەن پارلامەنتارالىق ءىس-شارالاردىڭ تاجىريبەلىك سيپاتى قازىرگى زاماننىڭ وزەكتى ماسەلەلەردى شەشۋگە ىقپال ەتەتىن بولادى.
