«تۇرعىن ءۇي جاعدايلارىن جاقسارتۋ جانە (نەمەسە) ەمدەلۋگە اقى تولەۋ جانە قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر مەن تولىقتىرۋلار ەنگىزۋ ماقساتىندا بىرىڭعاي جيناقتاۋشى زەينەتاقى قورىنان تولەنەتىن بىرجولعى زەينەتاقى تولەمدەرىن نىسانالى پايدالانۋ جونىندەگى ۋاكىلەتتى وپەراتورلاردى ايقىنداۋ تۋرالى» ۇكىمەت قاۋلىسى 2021 جىلعى 6 قاڭتاردا قابىلداندى.
«زەينەتاقى جيناقتارىنىڭ ەڭ از جەتكىلىكتىلىك شەگىن ايقىنداۋ ادىستەمەسىنە سايكەس 2021 جىلعا ەسەپتەلگەن زەينەتاقى جيناقتارىنىڭ ەڭ از جەتكىلىكتىلىك شەگى 2022 جىلعى 1 ساۋىرگە دەيىن قولدانىلادى دەپ بەلگىلەنسىن», دەلىنگەن تولىقتىرۋدا.
تۇسىندىرىلگەندەي, بۇل نورما زەينەتاقى جيناقتارىنىڭ ەڭ از جەتكىلىكتىلىك شەگىن انىقتاۋ ادىستەمەسىنە سايكەس 2022 جىلعا ەسەپتەلگەن زەينەتاقى جيناقتارىنىڭ ەڭ از جەتكىلىكتىلىك شەگىن قولدانىسقا ەنگىزۋدى كەيىنگە قالدىرۋ ماقساتىندا ەنگىزىلەدى.
قاۋلى جوباسى 27 جەلتوقسانعا دەيىن جاريا تالقىلاۋ ءۇشىن «اشىق نقا» سايتىندا ورنالاستىرىلعان.
ەسكە سالا كەتسەك, 9 جەلتوقساندا مەملەكەت باسشىسى قاسىم-جومارت توقاەۆ بۇرىنعى جەتكىلىكتىلىك شەكتەرىنىڭ قولدانىلۋ مەرزىمىن 2022 جىلعى 1 ساۋىرگە دەيىن ۇزارتۋدى تاپسىردى.
بۇل وزدەرىنىڭ نورماتيۆتەن تىس جيناقتارىن پايدالانۋعا ۇلگەرمەگەن ازاماتتاردى قولداۋ ءۇشىن جاسالدى.
