ANTIKOR • 09 جەلتوقسان، 2021

ANTIKOR باسشىسى قانشا جالاقى الاتىنىن ايتتى

3220 رەت كورسەتىلدى

بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى مارات احمەتجانوۆ قر پرەزيدەنتى جانىنداعى وكق-دا وتكەن بريفينگتە مالىمدەدى، دەپ حابارلايدى Egemen.kz.

انتيكور باسشىسى الدىمەن «Astana LRT» ىسىنە قاتىسى بار ادامدار تۋرالى سۇراققا جاۋاپ بەردى. 

«بۇل سۇراققا قىسقاشا جاۋاپ بەرەيىن، ولار حالىقارالىق ىزدەۋدە. ولار ينتەرپولدىڭ باقىلاۋىندا بار. بىزدە ۇستاپ بەرۋ، ەكستراديتسيا بارلىق ەلمەن جوق. اۇش-تىڭ گرەكو ۇيىمىنا كىردىك. ءبىزدىڭ كەلەسى جوسپارىمىز جەمقورلىق جاساعان ادامداردى ۇستاپ بەرۋ، قايتارۋ بويىنشا شارتتى كەلىسىمگە قول قويۋدى پىسىقتاپ جاتىرمىز. ينتەرپولداعى تىزىمدەگى ادامداردىڭ قابىلدانۋى پروكۋراتۋرانىڭ تىزىمىنە جاتادى»، دەدى احمەتجانوۆ.

سونداي-اق بريفينگ بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى مارات احمەتجانوۆ جۋرناليستەردىڭ سۇراعىنا جاۋاپ بەرۋ كەزىندە جالاقىسى تۋرالى دا ايتتى.

«مەن وسى قىزمەتكە تۇرعاندا دا جالاقىمدى ايتتىم. ول جاسىرىن ەمەس. قازىر مەنىڭ جالاقىم 1 ملن 200 مىڭ تەڭگەنى قۇرايدى»، دەدى ول.

سوڭعى جاڭالىقتار

ۇقساس جاڭالىقتار