پرەزيدەنت • 08 جەلتوقسان، 2021

ەرلان تۇرعىمباەۆ پرەزيدەنتكە ەسەپ بەردى

68 رەت كورسەتىلدى

پرەزيدەنت قاسىم-جومارت توقاەۆ ىشكى ىستەر ءمينيسترى ەرلان تۇرعىمباەۆتى قابىلدادى، دەپ جازادى Egemen.kz اقورداعا سىلتەمە جاساپ.

مەملەكەت باسشىسىنا ەلىمىزدەگى كريمينوگەندىك جاعداي، ىشكى ىستەر ورگاندارىنىڭ بيىلعى اتقارعان جۇمىستارىنىڭ ناتيجەلەرى تۋرالى مالىمەت بەرىلدى.

ەلىمىزدە قىلمىستىق ىستەردىڭ ازايۋى بويىنشا وڭ ءۇردىس بايقالادى (5 پايىزعا تومەندەگەن). بۇل رەتتە كىسى ءولتىرۋ 15 پايىزعا، توناۋ جانە بۇزاقىلىق 20 پايىزعا از تىركەلگەن. قوعامدىق ورىندار مەن كوشەلەردەگى قاۋىپسىزدىك دەڭگەيى جوعارىلادى.

پرەزيدەنتكە تاپسىرمالارىنىڭ ورىندالۋى جونىندە، اتاپ ايتقاندا ەسىرتكى قىلمىسىنا قارسى ءىس-قيمىل، تۇرمىستىق زورلىق-زومبىلىقتىڭ الدىن الۋ جانە بالالاردى قىلمىستىق قول سۇعۋشىلىقتان قورعاۋ، جول قاۋىپسىزدىگىن قامتاماسىز ەتۋ، قوس ازاماتتىق فاكتىلەرىنىڭ جولىن كەسۋ ءۇشىن قابىلدانىپ جاتقان شارالار تۋرالى باياندالدى.

بۇدان بولەك ەرلان تۇرعىمباەۆ قاسىم-جومارت توقاەۆقا پوليتسيا جۇمىسىنىڭ سەرۆيستىك مودەلىنە كوشۋ، «جاقىن جەردەگى پوليتسيا» قاعيداتىن قامتاماسىز ەتۋ، ۋچاسكەلىك ينسپەكتورلاردىڭ قىزمەتىن رەفورمالاۋ جانە قۇقىق بۇزۋشىلىقتىڭ الدىن الۋ سالاسىنداعى ولاردىڭ وكىلەتتىكتەرىن كەڭەيتۋ جونىندە اتقارىلىپ جاتقان جۇمىستار تۋرالى ەسەپ بەردى.

سونىمەن قاتار پرەزيدەنتكە ىشكى ىستەر ورگاندارىن تسيفرلاندىرۋ بارىسى، پوليتسيا ۋچاسكەلەرى مەن قىلمىستىق-اتقارۋ جۇيەسىنىڭ مەكەمەلەرىندە جاپپاي بەينەباقىلاۋ قۇرىلعىلارىن ورناتۋ، اۆتوماتتاندىرۋ جانە حالىققا كورسەتىلەتىن مەملەكەتتىك قىزمەت ۇدەرىستەرىن جەڭىلدەتۋ جايىندا باياندالدى.

مەملەكەت باسشىسى ىشكى ىستەر ورگاندارىنىڭ قىزمەتىنە وڭ باعا بەرىپ، ازاماتتاردىڭ كونستيتۋتسيالىق قۇقىعىن قورعاۋعا، قوعامدىق ءتارتىپتى ساقتاۋعا جانە جول قاۋىپسىزدىگىن قامتاماسىز ەتۋگە باعىتتالعان قوسىمشا شارالار قابىلداۋعا تاپسىرما بەردى.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار