كوروناۆيرۋس • 08 جەلتوقسان، 2021

باس سانيتارلىق دارىگەردىڭ جاڭا قاۋلىسى جاريالاندى

102 رەت كورسەتىلدى

قر باس مەملەكەتتىك سانيتاريالىق دارىگەرى ەرلان قياسوۆ «قازاقستان رەسپۋبليكاسىنىڭ حالقى اراسىندا كوروناۆيرۋس ينفەكتسياسى اۋرۋىنىڭ الدىن الۋ جونىندەگى شارالاردى ودان ءارى جۇرگىزۋ تۋرالى» № 46 قاۋلىسىنا وزگەرىستەر مەن تولىقتىرۋلار ەنگىزدى، دەپ حابارلايدى Egemen.kz.

اتالعان وزگەرتۋلەرگە سايكەس، «كوميرناتي» (Pfizer، اقش) ۆاكتسيناسىمەن ەكپە جۇرگىزۋگە قاتىستى ادىستەمەلىك ۇسىنىمدار دايىندالدى.

اتاپ ايتقاندا، بۇل ۆاكتسينامەن كۆي-گە قارسى ۆاكتسيناتسيالاۋعا 12 جاستان 18 جاسقا دەيىنگى جاسوسپىرىمدەر; جۇكتى ايەلدەر (جۇكتىلىكتىڭ 16 اپتاسىنان باستاپ 37 اپتاسىنا دەيىن); لاكتاتسيا كەزەڭىندەگى ايەلدەر (بوسانعاننان كەيىنگى كەزەڭ اياقتالعاننان كەيىن (42 كۇننەن كەيىن) بالا 2 جاسقا تولعانعا دەيىن) جاتادى.

سونىمەن قاتار 12-دەن 18 جاسقا دەيىنگى شەتەلدىك جاسوسپىرىمدەر، ونىڭ ىشىندە قر اۋماعىندا ۇزدىكسىز 3 جانە ودان دا كوپ اي وقيتىن جانە تۇراتىن ستۋدەنتتەر دە كۆي-گە قارسى ۆاكتسيناتسيالانادى. ەگۋ پۋنكتى جاسوسپىرىمدەردىڭ شوعىرلانۋىن بولدىرمايتىن ەگىلەتىن ادامداردىڭ تۇراقتى ءبىر جاقتى اعىمىن قامتاماسىز ەتە وتىرىپ ۇيىمداستىرىلادى. ەگۋ كابينەتىندە ەگىلەتىن ادامداردىڭ جانە مەديتسينالىق باقىلاۋداعى ادامداردىڭ جينالۋىنا جول بەرىلمەيدى. ءبىر مەزگىلدە ۆاكتسيناتسيالاۋعا 3 ادامنان اسىرماي شاقىرا وتىرىپ، ەگۋ كابينەتىنىڭ الدىندا حالىقتىڭ كوپ جينالۋىن بولدىرماي جەكە ۆاكتسيناتسيا جۇرگىزۋ ۇيىمداستىرىلادى.

جالپى قارسى كورسەتىلىمدەردەن باسقا، جۇكتى ايەلدەرگە اللەرگيالىق رەاكتسيالار، جەدەل قىزبا جاعدايلارى كەزىندە، سونداي-اق جۇكتىلىكتىڭ اۋىر اسقىنۋلارى – ەكلامپسيا، قان كەتۋ جانە باسقا دا جاعدايلار كەزىندە ۆاكتسيناتسيا جۇرگىزىلمەيدى. ەگەر جۇكتى ايەل جۇكتىلىكتىڭ 35-37 اپتاسىندا كۆي-گە قارسى ۆاكتسيناتسيانىڭ ءبىرىنشى دوزاسىن السا، وندا ۆاكتسينانىڭ ەكىنشى دوزاسى بوسانعاننان كەيىن 42 كۇننەن كەيىن ەنگىزىلەدى.

ەكى ەگۋدىڭ اراسىنداعى ۇسىنىلاتىن ارالىق 12 اپتادان اسپايدى. ەگەر ەكى دوزادا ابايسىزدا كۆي-گە قارسى ۆاكتسينالاردىڭ ءارتۇرلى تيپتەرى ەنگىزىلسە، وندا پايدالانىلعان ۆاكتسينالاردىڭ كەز كەلگەنىنە قوسىمشا دوزالاردى ەنگىزۋ ۇسىنىلمايدى.

«كوميرناتي» ۆاكتسيناسىن (Pfizer، اقش) قولدانا وتىرىپ، كۆي-گە قارسى ۆاكتسيناتسيانى جانە رەۆاكتسيناتسيانى الۋ تۋرالى دەرەكتەر كۆي-گە قارسى ۆاكتسينانىڭ بارلىق الىنعان دوزالارىن رەت-رەتىمەن (ەگۋ جۇرگىزىلگەن كۇن، ۆاكتسينانىڭ اتاۋى، سەرياسى، ءوندىرۋشى ەل، دوزا) كورسەتە وتىرىپ، «ۆاكتسيناتسيا» ءمودۋلىنىڭ اقپاراتتىق جۇيەسىندە كورسەتىلەدى.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • كەشە

الاشوردا وفيتسەرى

قازاقستان • كەشە

471 مىڭ دوللارعا ساتىلدى

ادەبيەت • كەشە

شابىت پەن شاراپ

ادەبيەت • كەشە

ۇقساس جاڭالىقتار