ۇكىمەت • 08 جەلتوقسان، 2021

قىلمىستىق كودەكسكە ءولىم جازاسىن الىپ تاستاۋعا قاتىستى وزگەرىستەر ەنگىزىلدى

126 رەت كورسەتىلدى

پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ قىلمىستىق كودەكسىنە ءولىم جازاسى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى» زاڭ جوباسى ەكىنشى وقىلىمدا ماقۇلداندى، دەپ حابارلايدى Egemen.kz.

ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ توراعاسى، دەپۋتات ارمان قوجاحمەتوۆتىڭ ايتۋىنشا، قازاقستان تاۋەلسىزدىك العان كەزدەن باستاپ ءولىم جازاسىنىڭ كۇشىن كەزەڭ-كەزەڭمەن جويۋ باعىتىنا سۇيەنىپ كەلەدى.

«مەملەكەت باسشىسى اعىمداعى جىلعى 16 قاراشادا ۇلتتىق قوعامدىق سەنىم كەڭەسىنىڭ وتىرىسىندا قازاقستاندا ءولىم جازاسى قانداي دا ءبىر ەسكەرتۋسىز جويىلۋعا ءتيىس ەكەنىن مالىمدەدى. وسىعان بايلانىستى كوميتەت قىلمىستىق زاڭناماداعى ءولىم جازاسىن الىپ تاستاۋ تۋرالى ءتيىستى تۇزەتۋلەر دايىندادى. قىلمىستىق، قىلمىستىق-پروتسەستىك، قىلمىستىق-اتقارۋ كودەكستەرىنە، سونداي-اق ءولىم جازاسى تۋرالى ەرەجەلەردى قامتيتىن ەكى زاڭعا تۇزەتۋلەر قولداۋ تاپتى»،  دەدى ارمان قوجاحمەتوۆ.

بۇعان قوسا، ءولىم جازاسىن جويۋعا باعىتتالعان ازاماتتىق جانە ساياسي قۇقىقتار تۋرالى حالىقارالىق پاكتىگە راتيفيكاتسيالانعان ەكىنشى فاكۋلتاتيۆتىك حاتتامانىڭ رەداكتسياسى ناقتىلاندى.

قازاقستان رەسپۋبليكاسىندا ءولىم جازاسىنىڭ تولىق جويىلۋى ۇلتتىق زاڭنامانى قابىلدانعان حالىقارالىق قۇقىقتىق مىندەتتەمەلەرگە سايكەس ۇندەستىرۋ مەن ادام قۇقىقتارىن قامتاماسىز ەتۋگە جانە ەڭ جوعارى كونستيتۋتسيالىق قۇندىلىق – ءومىر ءسۇرۋ قۇقىعىنا كەپىلدىك بەرۋگە ىقپال ەتەتىن بولادى

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار