ەكونوميكا • 07 جەلتوقسان، 2021

ب ۇلىنگەن بانكنوتتاردى قايدا وتكىزۋگە بولادى؟

69 رەت كورسەتىلدى

توزعان، كۇيگەن، جىرتىلعان اقشالاردى قازاقستان ۇلتتىق بانكىنىڭ فيليالدارىنا وتكىزۋگە بولادى، دەپ جازادى Egemen.kz.

قازاقستان ۇلتتىق بانكىنىڭ مالىمەتىنشە، بۇل بانكنوتتاردىڭ بارلىعى فراگمەنتتەرى بويىنشا قايتا قۇراستىرىلىپ، قالپىنا كەلتىرىلەدى. جىل باسىنان بەرى قۇب جارامدىلىعى كۇمان تۋدىراتىن بانكنوتتار مەن مونەتالاردىڭ 3079-ىن قابىلداپ، سولاردىڭ اراسىنان 2542 بانكنوتتى ايىرباستاپ بەرگەن. ولاردىڭ كوبى جىرتىلعان، كۇيگەن، ەسكىرىپ، جۋىلىپ كەتكەن.

«ەگەر بانكنوتتىڭ 50%-دان كوپ بولىگى جاقسى ساقتالعان بولسا، ونى قۇب فيليالدارىنا جارامدىلىعى جاعىنان كۇماندى بانكنوت رەتىندە ساراپتاماعا تاپسىرىپ، شىن اقشا ەكەنىن تەكسەرتۋگە بولادى.

ول ءۇشىن بانكنوتتىڭ قالعان بولىگىن ۇقىپتاپ جيناپ الۋ كەرەك. قانداي جاعدايعا قاراماستان، بانكنوتتى ب ۇلىنگەن دۇنيەنىڭ ىشىنەن، ءامياننان، باسقا دا ىدىستان الماعان دۇرىس. ايتپەسە بانكنوتتار ودان بەتەر جىرتىلىپ، ونىڭ شىن اقشا ەكەنىن انىقتاۋ قيىنعا تۇسەدى. ب ۇلىنگەن اقشانى جۇمساق زاتقا وراپ، ۇلكەندەۋ قوراپقا سالىپ الۋ كەرەك. وسىدان كەيىن ونى ساراپتامادان وتكىزۋ ءۇشىن ۇلتتىق بانكتىڭ اۋماقتىق فيليالىنا وتكىزەسىز. تەكسەرۋگە بولاتىن، اۋماعى ساقتالعان ب ۇلىنگەن بانكنوتتار جاڭا اقشاعا ايىرباستالادى. الايدا، ونى تەكسەرۋ ءبىراز ۋاقىت الۋى مۇمكىن. ەڭ باستىسى، ساراپتاما تەگىن جاسالادى»، دەلىنگەن ۇلتتىق بانك تاراتقان اقپاراتتا.

ەگەر بانكنوت ءوز كولەمىنىڭ كەمىندە 70% ساقتاعان بولسا جانە ونىڭ نومينالىن كورسەتەتىن (جازباشا جانە سان تۇرىندەگى) ساندار قاتتى ب ۇلىنبەگەن بولسا (ەگەر بانكنوتتىڭ شىن اقشا ەكەنىن راستاۋعا كەدەرگى بولماسا)، ەسكىرگەنىنە قاراماستان، ول تولەمگە جارامدى اقشاعا ايىرباستالادى. ونداي بانكنوتتاردى ەكىنشى دەڭگەيلى بانكتەرگە، قۇب فيليالدارىنا نەمەسە «قازپوشتا» اق-نا بارىپ، ايىرباستاپ الۋعا بولادى.

ايتا كەتەيىك، ەدب وزدەرىنىڭ ىشكى نورماتيۆتىك قۇجاتتارىنا ساي، قىزمەت كورسەتكەنى ءۇشىن كوميسسيالىق تولەم الۋعا قۇقىلى.

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار