كوروناۆيرۋس • 07 جەلتوقسان، 2021

الەكسەي تسوي جاڭا جىلدى تويلاۋعا قاتىستى كەڭەس بەردى

48 رەت كورسەتىلدى

دەنساۋلىق ساقتاۋ ءمينيسترى الەكسەي تسوي قازاقستاندىقتارعا جاڭا جىلدى تويلاۋعا جانە كورپوراتيۆتىك ءىس-شارالار وتكىزۋگە قاتىستى كەڭەس بەردى، دەپ حابارلايدى Egemen.kz.

دسم باسشىسى ءىس-شارالار وتكىزۋگە قاتىستى شەكتەۋلەردى ءار ءوڭىردىڭ باس سانيتاريا دارىگەرى قابىلدايتىنىن ەسكە سالدى.

«وتباسى ورتاسىندا عانا اتاپ وتۋگە كەڭەس بەرەمىز. جاڭا جىل - وتباسىلىق مەرەكە، سوندىقتان، ارينە، جينالعاندار سانىن شەكتەگەن ءجون، ۆيرۋس ەشقايدا كەتكەن جوق. وكىنىشكە قاراي، تارالۋ، اۋرۋ جانە ءولىم جاعدايلارى بار. سوندىقتان دەنساۋلىعىمىزعا قاراپ، وتباسىمەن اتاپ وتكەن دۇرىس»، دەدى تسوي جۋرناليستەر سۇراعىنا جاۋاپ بەرە وتىرىپ.

سونداي-اق الەكسەي تسوي كوپ ادام جينالاتىن كورپوراتيۆتىك شارالاردى وتكىزبەۋگە كەڭەس بەردى.

«اۋقىمدى ءىس-شارالاردى شەكتەگەن ءجون، بەلگىلى ءبىر تالاپتار بار، ءبىر جەردە جينالسا دا، سانى شەكتەلەدى. كورىپ وتىرسىزدار، ءتىپتى مەكتەپتەردە كۇندە جابىلىپ جاتىر. ويتكەنى ۆيرۋس جۇقتىرعاندار بار. جالعىز جول – ۆاكتسيناتسيا»، دەپ قوستى ول.

سونداي-اق تسوي دەنساۋلىق ساقتاۋ مينيسترلىگىندە كورپوراتيۆتىك ءىس-شارا وتكىزۋ جوسپاردا جوق ەكەنىن اتاپ ءوتتى.

«جالپى، قازىر ءبىز كەيبىر ونلاين كونفەرەنتسيالاردى قوسپاعاندا، بارلىق ماڭىزدى شارالاردى وتكىزبەيمىز»، دەپ تۇيىندەدى تسوي.

سوڭعى جاڭالىقتار

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

دوللار باعاسى ارزاندادى

ەكونوميكا • بۇگىن، 11:32

ۇقساس جاڭالىقتار