ايماقتار • 07 جەلتوقسان، 2021

جارىم كوڭىل بالالارعا باردى

37 رەت كورسەتىلدى

ەل تاۋەلسىزدىگىنىڭ 30 جىلدىعى مەن جەلتوقسان وقي­عا­سىنىڭ 35 جىلدىعىنا وراي ءوتىپ جاتقان «پات­ريوت­تىق رۋح – باستى قۇندىلىق» جوباسى اياسىندا الماتى قالاسىنداعى جەلتوقساندىقتار بالالار ۇيلەرىندە قايى­رىم­دىلىق شارالارىن جالعاستىرىپ جاتىر.

جەلتوقساندىقتار الدىمەن مەدەۋ اۋدانىندا ورنالاسقان «جانۇيا» بالالار ۇيىنە باردى. مۇندا دامۋىندا اۋىت­قۋ­شىلىعى بار 100-گە تارتا بالا تاربيەلەنىپ جاتىر ەكەن. جەلتوقسانشى اعا-اپالارىمەن كەزدەسۋگە بىرنەشە توپتىڭ بالالارى قاتىستى. قالعان بالالار اپتاسىنا 3 رەت باراتىن سپورتتىق جاتتىعۋدا كورىنەدى. شاراعا كەلگەن جەلتوقسانشى اعا-اپالارىنىڭ اڭگىمەسىن ىنتا قويىپ تىڭداعان بالالار قىزىقتىرعان سۇراقتارىن قويىپ، اشىق اڭگىمەگە ارالاسىپ وتىردى. ءتىپتى ولەڭ وقىپ، ءان ايتقاندارى بولدى. ءوزىن ءبوريسپىن دەپ تا­نىس­تىر­عان بالا قازاقشانى انا ءتىلى رەتىندە مەڭگەرگەنىمەن ماق­تانسا، ناستيا قازاقشا ءان شىرقادى. بالالارعا تاتتىلەر، ويىنشىقتار، قاجەتتى وقۋ قۇ­رال­دارىن سىيلاعان جەل­توق­سانشىلاردىڭ وزدەرى دە جاقسى كوڭىل كۇيمەن تارقاستى.

ال «پەرزەنت» وتباسىلىق بالالار ۇيىنە بارعان جەل­توق­سان­دىقتار يماندى بال­دىر­عانداردى كورىپ ءتانتى بولدى. كىپ-كىشكەنتاي بالالاردىڭ ءارتۇرلى ۇلت وكىلى بولسا دا قا­زاقشا سايراپ، قۇراندى وقى­عان­دا ريزا بولمايتىن جان بولماس ءسىرا. ءتىپتى كىشكەنە بالانىڭ وقىعان قۇرانىنا ريزا بولعان ارابتار ءامينا اپاعا مەشىت سالىپ بەرۋگە كە­لى­سىپتى. بۇگىندە مەشىتتىڭ قۇ­رىلىسى باستالعان ەكەن.

بالالارعا سۇيسىنگەن جەل­توق­سانشى ءارىپ قابلانوۆ: «كىش­كەنتاي بالانىڭ وقىعان قۇرانىنا كوڭىلىم تولقىپ، كوزىمە جاس الدىم. ءبىزدىڭ قو­عامدا مۇنداي تاستاندى بالا­لار بولماۋى ءتيىس قوي. وكى­نىش­كە قاراي بار بولىپ تۇر. ءامينا اپانىڭ سونشا بالانى باۋىرىنا باسىپ، يماندى ەتىپ تاربيەلەپ وتىرعانى – ۇلكەن ەرلىك. ولار بىزدەن ەمەس، ءبىز ولاردان تاعىلىم الىپ قايتقاندايمىز»، دەگەن ريزا­لى­عىن ءبىلدىردى.

تاعىلىمدى شارالاردى ال­ماتى قالاسى قوعامدىق دامۋ باسقارماسىنىڭ قول­داۋى­مەن حالىقارالىق «جان­ا­شىر» قو­عام­دىق قورى ۇيىم­داس­تىر­دى.

 

الماتى

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

ۇقساس جاڭالىقتار