پرەزيدەنت • 06 جەلتوقسان، 2021

قازاق-وزبەك قاتىناسى ورتالىق ازياداعى ءىرى ساۋدا-ونەركاسىپ حابىنا اينالماق

37 رەت كورسەتىلدى

قازاقستاندىق ءىرى قۇرىلىس كومپانياسى تاشكەنتتە جەكە ىقشاماۋداننىڭ قۇرىلىسىن جۇرگىزۋدى جوسپارلاپ وتىر. بۇل تۋرالى قازاقستان مەن وزبەكستان پرەزيدەنتتەرى باق وكىلدەرى ءۇشىن وتكىزگەن بريفينگتە ايتىلدى، دەپ حابارلايدى Egemen.kz.

ء«بىز بىرقاتار ىرگەلى جوبانى ىسكە قوسۋعا ۋاعدالاستىق. اتالعان جوبالار مىڭداعان جاڭا جۇمىس ورنىن اشۋعا باعىتتالعان جانە ەكى ەلدىڭ دە ازاماتتارىنا الەۋمەتتىك قولداۋ كورسەتۋ ىسىنە قوماقتى ۇلەس قوسادى. مىسالى، «قازفوسفات» كومپانياسى تاشكەنت وبلىسىندا قۇنى شامامەن 1 ميلليارد دوللار بولاتىن فوسفورلى جانە كەشەندى تىڭايتقىشتار شىعاراتىن زاۋىتتىڭ قۇرىلىسىنا قىزىعۋشىلىق ءبىلدىردى.

قازاقستاندىق «BI group» ءىرى قۇرىلىس كومپانياسى تاشكەنتتە جەكە ىقشاماۋداننىڭ قۇرىلىسىن جۇرگىزۋدى جوسپارلاپ وتىر. وسى ماقساتپەن 1،2 ميلليارد دوللار قارجى سالماق. ەلىمىزدىڭ اۆتوموبيل ونەركاسىبىندەگى كوشباسشى «Astana-Motors» كومپانياسى وزبەكستاندا «Hyundai» اۆتوكولىگىن وندىرەتىن كاسىپورىن اشۋعا دايىن. ەكى مەملەكەتتىڭ شەكاراسىندا حالىقارالىق ونەركاسىپ كووپەراتسياسى ورتالىعىنىڭ تەز ارادا ىسكە قوسىلۋى مۋلتيپليكاتيۆتى تۇرعىدان تيىمدىلىگى زور بولادى ءارى پايدا اكەلەدى. اتالعان مەكەمە ورتالىق ازياداعى ءىرى ساۋدا-ونەركاسىپ حابىنا اينالماق. ول ەكىجاقتى عانا ەمەس، سونداي-اق ايماقتىق كولەمدەگى ساۋدانى دامىتۋعا ىقپال ەتىپ، اراداعى كولىك-لوگيستيكالىق مۇمكىندىكتەردى كەڭەيتە تۇسەدى. وسىعان بايلانىستى ۇكىمەتتەرگە اتالعان نىساندى تەز ارادا سالۋدى تاپسىردىق»، دەدى قاسىم-جومارت توقاەۆ.

پرەزيدەنتتىڭ ايتۋىنشا، قازاقستان مەن وزبەكستان ەۋرازياداعى ماڭىزدى ساۋدا-كولىك دالىزدەرىنىڭ توعىسىندا ورنالاسقان. تاراپتار وسى باعىتتى ودان ءارى دامىتۋ ءۇشىن ستراتەگيالىق ماڭىزى بار بىرقاتار جوبانىڭ جۇزەگە اسىرىلۋىن جىلدامداتۋعا ۋاعدالاستى.

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار