قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №360

2013 جىلعى 29 تامىز,  استانا قالاسى «ءبىلىم الۋشىلاردىڭ ۇلگەرىمىن اعىمداعى باقىلاۋ, ارالىق جانە قورىتىندى مەملەكەتتىك اتتەستاتتاۋ جۇرگىزۋدىڭ ۇلگى ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 18 ناۋرىزداعى № 125 بۇيرىعىنا وزگەرىستەر مەن تولىقتىرۋلار ەنگىزۋ تۋرالى بۇيىرامىن: 1. «ءبىلىم الۋشىلاردىڭ ۇلگەرىمىن اعىمداعى باقىلاۋ, ارالىق جانە قورىتىندى مەملەكەتتىك اتتەستاتتاۋ جۇرگىزۋدىڭ ۇلگى ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 18 ناۋرىزداعى № 125 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىنە № 5191 تىركەلدى, «زاڭ گازەتىنىڭ» 2008 جىلعى 30 مامىرداعى № 81 (1307) جاريالانعان) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن بۇيرىقپەن بەكىتىلگەن تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىنداعى ءبىلىم الۋشىلاردىڭ ۇلگەرىمىنە اعىمداعى باقىلاۋدى, ارالىق جانە قورىتىندى اتتەستاتتاۋدى وتكىزۋ ەرەجەسىندە: 2-تارماق مىناداي رەداكتسيادا جازىلسىن: «2. وسى ەرەجەدە مىناداي انىقتاۋلار پايدالانىلعان: 1) ءبىلىم الۋشىلاردىڭ ۇلگەرىمىنە اعىمداعى باقىلاۋ – بۇل وقىتۋشىنىڭ ءپاندى وقىتۋ باعدارلاماسىنا سايكەس اعىمداعى ساباق بارىسىندا وتكىزگەن ءبىلىم الۋشىلاردىڭ ءبىلىمىن جۇيەلى تەكسەرۋى; 2) ءبىلىم الۋشىلاردى ارالىق اتتەستاتتاۋ – ءبىلىم الۋشىنىڭ ءبىر وقۋ ءپانىن ونى زەردەلەپ بىتىرگەننەن كەيىن ءبىر بولىگىنىڭ نەمەسە بۇكىل كولەمىنىڭ مازمۇنىن مەڭگەرۋىنىڭ ساپاسىن باعالاۋ ماقساتىندا جۇرگىزىلەتىن ءراسىم; 3) ءبىلىم الۋشىلاردى قورىتىندى اتتەستاتتاۋ – ولاردىڭ تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋدىڭ مەملەكەتتىك جالپىعا مىندەتتى ستاندارتىن مەڭگەرۋىنىڭ دارەجەسىن ايقىنداۋ ماقساتىندا جۇرگىزىلەتىن ءراسىم; 4) كاسiپتiك دايارلىق دەڭگەيiن باعالاۋ – تەحنيكالىق جانە كاسىپتى, ورتا بىلىمنەن كەيىنگى ءبىلىم بەرۋ ۇيىمدارى ءبىتىرۋشىسىنىڭ كاسىپتىك قىزمەتتىڭ ءتيىستى ءتۇرى شەڭبەرىندە جۇمىستى ورىنداۋ بويىنشا بىلىكتىلىك دەڭگەيىنىڭ سايكەستىك دارەجەسىن انىقتاۋ ماقساتىندا سەرتيفيكاتتاۋ جونىندەگى ورگان وتكىزەتىن ءراسىم; 5) سەرتيفيكاتتاۋ جونىندەگى ورگان – سايكەستىكتى راستاۋ جانە كاسiپتiك دايارلىق دەڭگەيiن باعالاۋ قورىتىندىلارى بويىن­شا سەرتيفيكات بەرۋ ءراسىمىن ۇيىمداستىرۋ ءۇشىن بەلگىلەنگەن تارتىپتە اككرەديتتەلگەن زاڭدى تۇلعا; 6) بىلىكتىلىك كوميسسياسى – تەحنيكالىق جانە كاسىپتىك, ورتا بىلىمنەن كەيىن ءبىلىم بەرۋ ۇيىمدارى ءبىتىرۋشىسىنىڭ كاسiپتiك دايارلىق دەڭگەيiن باعالاۋ جانە بiلiكتiلiك دەڭگەيىن انىقتاۋ ءۇشىن قۇرىلاتىن القالىق ورگان.»; مىناداي مازمۇنداعى 23-1 تارماقپەن تولىقتىرىلسىن: «23-1. تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىندا ءبىلىم الۋشىلاردى قورىتىندى اتتەس­تاتتاۋدى وقۋ ورنى ءبىلىم الۋشىلاردىڭ ءتيىستى ماماندىقتار بويىنشا ءبىلىم بەرۋ باعدارلامالارىن يگەرۋ دارەجەسىن انىقتاۋ ماقساتىندا وتكىزەدى. 24-تارماق مىناداي رەداكتسيادا جازىلسىن: «24. ءبىلىم بەرۋ ۇيىمدارىندا ءبىلىم الۋشىلاردى قورى­تىندى اتتەستاتتاۋدى وتكىزۋ ءۇشىن ءبىلىم بەرۋ ۇيىمى باسشى­سىنىڭ بۇيرىعىمەن اتتەستاتتاۋ ەمتيحان كوميسسياسى قۇرىلادى. اتتەستاتتاۋ ەمتيحان كوميسسياسىنىڭ قۇرامى كاسىپورىن­دار­دىڭ جوعارى بىلىكتى ماماندارى, ارنايى پاندەر وقىتۋشى­لارى, وندiرiستiك وقىتۋ شەبەرلەرi جانە وقۋ ورنىن باسقارۋدىڭ القالىق ورگاندارىنىڭ, جۇمىس بەرۋشىلەر وكىلدەرىنەن 75% جانە 25%-عا تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارى وكىلدەرىنىڭ اراقاتىناسىندا قۇرىلادى. 34 تارماق مىناداي رەداكتسيادا جازىلسىن: «34. اتتەستاتتاۋ ەمتيحان كوميسسياسىنىڭ وتىرىسى ءتيىستى حاتتامامەن رەسىمدەلەدى, وعان كوميسسيا توراعاسى, مۇشەلەرى جانە حاتشىسى قول قويادى. تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىندا ءبىلىم الۋشىلاردى قورىتىندى اتتەستاتتاۋ ناتيجەلەرى تۋرالى اتتەستاتتاۋ ەمتيحان كوميسسياسى وتىرىسىنىڭ حاتتاماسىنان ۇزىندىلەر سەرتيفيكاتتاۋ جونىندەگى ورگانعا بەرىلەدى.»; مىناداي مازمۇنداعى 34-1-تارماقپەن تولىقتىرىلسىن: «34-1. كاسىپتىك دايارلىق دەڭگەيىن باعالاۋ جانە بىلىكتىلىك بەرۋ – ءبىلىم تۋرالى مەملەكەتتىك ۇلگىدەگى قۇجات بەرۋ ءۇشىن قاجەتتى شارت بولىپ تابىلاتىن, تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىندا ءبىلىم الۋشىلاردى قورىتىندى اتتەستاتتاۋدىڭ بولىگى. بىتىرۋشىلەردىڭ كاسىپتىك دايارلىق دەڭگەيىن باعالاۋدى جانە بىلىكتىلىك بەرۋدى ۇيىمداستىرۋ ءۇشىن سەرتيفيكاتتاۋ جونىندەگى ورگان بىلىكتىلىك كوميسسياسىن قۇرادى. بىلىكتىلىك كوميسسياسىنىڭ توراعاسى كاسىپورىن جانە جۇمىس بەرۋشىلەر قاۋىمداستىقتارى قاتارىنان قازاقستان رەسپۋبليكاسى ۇلتتىق كاسىپكەرلەر پالاتاسىنىڭ وڭىرلىك پالاتالارىنىڭ جانە فيليالدارىنىڭ (دەربەس ءبىلىم بەرۋ ۇيىمدارىن قوسپاعاندا) كەلىسىمى بويىنشا, ال رەسپۋبليكالىق باعىنىستى ءبىلىم بەرۋ ۇيىمدارىندا قازاقستان رەسپۋبليكاسى ۇلتتىق كاسىپكەرلەر پالاتاسىنىڭ (اۆتونومدى ءبىلىم بەرۋ ۇيىمدارىن قوسپاعاندا, 3 رەتتەن اسپايتىن) كەلىسىمىمەن تاعايىندالادى. بىلىكتىلىك كوميسسياسىنىڭ قۇرامىنا قازاقستان رەسپۋبليكاسى ۇلتتىق كاسىپكەرلەر پالاتاسىنىڭ وڭىرلىك پالاتالارى مەن فيليالدارى وكىلدەرىنىڭ كەلىسىمى بويىنشا (دەربەس ءبىلىم بەرۋ ۇيىمدارىن قوسپاعاندا) جۇمىس بەرۋشىلەر وكىلدەرىنەن 75% جانە 25%-عا تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارى وكىلدەرىنەن اراقاتىناسىندا كاسىپورىنداردىڭ وكىلدەرى, ارنايى پاندەر وقىتۋشىلارى, وندiرiستiك وقىتۋ شەبەرلەرi, ەڭبەكتi قورعاۋ جانە قاۋiپسiزدiك تەحنيكاسى جونiندەگi ورگانداردىڭ وكiلدەرi كىرەدى.»; 35 تارماق مىناداي رەداكتسيادا جازىلسىن: «35. ءبىلىم الۋشىلاردىڭ كاسىپتىك دايارلىق دەڭگەيىن باعالاۋ جانە بىلىكتىلىك بەرۋ قازاقستان رەسپۋبليكاسى ءبىلىم جانە عىلىم ءمينيسترىنىڭ 2012 جىلعى 18 ماۋسىمداعى №281 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋدىڭ تىزىلىمىندە 2012 جىلعى 17 ماۋسىمداعى № 7796 تىركەلگەن) بەكىتىلگەن كاسىپتىك دايارلىق دەڭگەيىن باعالاۋ جانە تەحنيكالىق جانە قىزمەت كورسەتەتىن ەڭبەك كاسىپتەرى (ماماندىقتار) بويىنشا بىلىكتىلىكتى بەرۋ قاعيدالارىنا سايكەس جۇزەگە اسىرىلادى.». 2. تەحنيكالىق جانە كاسىپتىك ءبىلىم دەپارتامەنتى (ق.ق. بورىبەكوۆ): 1) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادiلەت مينيسترلiگiندە مەملەكەتتiك تiركەلۋىن قامتاماسىز ەتسىن; 2) وسى بۇيرىقتى مەملەكەتتىك تىركەۋدەن وتكەننەن كەيىن بۇقارالىق اقپارات قۇرالدارىندا جاريالاسىن. 3. وسى بۇيرىقتىڭ ورىندالۋىن باقىلاۋ ءبىلىم جانە عىلىم ۆيتسە-مينيستر م.ا. ابەنوۆكە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi. مينيستر ب.جۇماعۇلوۆ. بۇيرىق قازاقستان رەسپۋبليكاسىنىڭ ادىلەت مينيستر­لىگىندە 2013 جىلعى 3 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8768 بولىپ ەنگىزىلدى.