ەكونوميكا • 04 جەلتوقسان، 2021

شاۆكات ميرزيەيوۆ: قازاقستان مەن وزبەكستان ەكونوميكاسى ءبىرىن-ءبىرى تولىقتىرادى

74 رەت كورسەتىلدى

وزبەكستان پرەزيدەنتى شاۆكات ميرزيوەۆ «Egemen Qazaqstan» گازەتىنە بەرگەن سۇحباتىندا الداعى ساپاردان كۇتىلەتىن ناتيجە مەن ەكى ەل اراسىنداعى تابىستى ەكونوميكالىق قارىم-قاتىناسقا ىقپال ەتكەن مەحانيزمدەر مەن قۇرالداردى اتادى، دەپ حابارلايدى Egemen.kz.

قازاقستان مەن وزبەكستان ورتاق تاريح، مادەنيەت، ءداستۇر بىرىكتىرەتىن عاسىرلار بويى دوستىعى جالعاسقان باۋىرلاس ەل. شاۆكات ميرزيوەۆ وسى تاريحي ءۇردىس پەن ەكونوميكالىق قاتىناستى نىعايتۋ ماقساتىندا ەكى ەل دە ءوزارا ارەكەتتەسۋگە اسا ىنتالى ەكەنىن ايتتى.

«ارينە بۇل جولى قازاقستان پرەزيدەنتى ەكەۋمىز ەكىجاقتى جانە وڭىرلىك كۇن تارتى­بىندەگى كوپتەگەن وزەكتى ماسەلەنى قاراستىرىپ، وزبەك-قازاق قارىم-قاتىناستارىن جاڭا، بۇدان دا جوعارى دەڭگەيگە شىعارۋ ءۇشىن پراكتيكالىق قادام­دار جاساۋدى جوسپارلاپ وتىرمىز. ساپاردىڭ كۇن تارتىبىندە ساياسي ديالوگتى ودان ءارى تەرەڭدەتۋ، ىنتىماقتاستىقتى كەڭەيتۋ، ونىڭ ىشىندە ەكى ەلدىڭ وڭىرلەرى اراسىنداعى ساۋدا-ەكونوميكالىق، ينۆەستيتسيالىق جانە باسقا دا ءتۇرلى سالالاردا بىرلەسكەن جوبالاردى جۇزەگە اسىرۋ، مادەني-گۋمانيتارلىق سالا­لارداعى ىن­تى­ماقتاستىقتى جانە تۋريستىك باي­لانىستاردى جانداندىرۋ، اسىرەسە پان­دەميا سالدارىن ەڭسەرۋ ماسەلەلەرى قام­تىلعان.

ەكى ەل ازاماتتارىنىڭ ءبىلىم جانە دەنساۋلىق ساقتاۋ سالا­لار­ىنداعى ىنتى­ماقتاستىعىن ارتتىرۋ، ءوزارا بارىس-كەلىستەرىنە قولايلى جاعداي جاساۋ شارالارى قاراستىرىلۋدا. سونىمەن قاتار ورتاق سىن-قاتەرلەر مەن قا­تەرلەرگە قارسى كۇرەستە ارىپ­تەس­تىكتى نىعايتۋ ماسەلەلەرى بويىنشا ماڭىزدى قۇجاتتار قابىلدانادى»، دەدى ول.

قازاق-وزبەك قاتىناسىندا بارلىق سالادا تابىستى ىنتىماقتاستىق وڭ جولعا قويىلعان. وزبەكستان پرەزيدەنتى مۇنداي ناتيجەگە جەتۋدە قازاقستان مەن وزبەكستان ەكونوميكاسى ءبىرىن-ءبىرى تولىقتىراتىنىن ايرىقشا اتادى.

ء«بىزدىڭ ەلدەرىمىزدىڭ الەۋەتى ونىمدەردى ءوزارا جەتكىزۋدىڭ نومەنكلاتۋراسى مەن كولەمىن ايتارلىقتاي كەڭەيتۋ ءۇشىن جەتكىلىكتى سۇرانىسقا يە. ماسەلەن، بيىلعى جىلدىڭ باسىنان بەرى تاۋار اينالىمى 40 پايىزعا دەرلىك ارتىپ، جىل سوڭىنا دەيىن 4 ميلليارد دوللارعا جەتەدى دەپ كۇتىلۋدە – بۇل ءبىزدىڭ ساۋدا قارىم-قاتىناستارىمىز ءۇشىن رەكوردتىق كورسەتكىش. بىراق بۇل شەكتى مەجە ەمەس. ەكونوميكالاردىڭ الەۋەتى بىزگە بولاشاقتا 10 ميللياردتىق ماقساتتى باتىل قويۋعا مۇمكىندىك بەرەدى.

ونەركاسىپتىك كووپەراتسيا سا­لا­سىنداعى جوبالار ءساتتى جۇزەگە اسىرىلۋدا. اتاپ ايت­قاندا، قوستانايدا قازاقستانداعى ساتى­لىم بويىن­شا جەتەكشى ورىندارعا كوتە­رىلگەن اۆتوموبيلدەر، سون­داي-اق اۆتوبۋس­تار مەن اۋىلشا­رۋا­شىلىق ماشينالارىن بىرلە­سىپ شىعارۋ جولعا قويىلعان. تۇر­كىستان مەن شىمكەنتتە زاماناۋي توقى­ما كاسىپورىندارى ىسكە قو­سىلىپ، تۇر­مىس­تىق تەحنيكالار شى­عارىلۋدا. ال مۇنداي مىسالدار وتە كوپ»، دەدى شاۆكات ميرزيوەۆ.

سوڭعى جاڭالىقتار

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

دوللار باعاسى ارزاندادى

ەكونوميكا • بۇگىن، 11:32

ۇقساس جاڭالىقتار