كوروناۆيرۋس • 03 جەلتوقسان، 2021

يندونەزيا قازاقستاننىڭ ۆاكتسينا پاسپورتىن مويىندادى

39 رەت كورسەتىلدى

تاعى ءبىر مەملەكەت COVID-19 ۆاكتسيناسى تۋرالى قازاقستاندىق پاسپورتتى مويىنداۋعا نيەتتى، دەپ حابارلايدى Egemen.kz.

بۇگىن ونلاين رەجيمدە Health Business Gathering فورۋمى ءوتتى، ونىڭ بارىسىندا قر دەنساۋلىق ساقتاۋ ۆيتسە-ءمينيسترى مارات شورانوۆ پەن يندونەزيا رەسپۋبليكاسىنىڭ دەنساۋلىق ساقتاۋ ءمينيسترى بۋدي گۋنادي ساديكين COVID-19 ۆاكتسيناتسياسى تۋرالى سەرتيفيكاتتاردى تانۋعا قاتىستى ءوزارا تۇسىنىستىك تۋرالى مەموراندۋمعا قول قويدى.

قۇجات قازاقستان ۇكىمەتى «Egov mobile» موبيلدىك قوسىمشاسىن پايدالانا وتىرىپ بەرگەن COVID-19 كوروناۆيرۋستىق ينفەكتسياسىنا قارسى ۆاكتسيناتسيا سەرتيفيكاتتارىن جانە «PeduliLindungi» پلاتفورماسىن پايدالانا وتىرىپ بەرىلگەن COVID-19 كوروناۆيرۋستىق ينفەكتسياسىنا قارسى ۆاكتسيناتسيا سەرتيفيكاتتارىن تانۋدى كوزدەيدى. ءىس-شارا بارىسىندا ۆيتسە-مينيستر COVID-19 تارالۋىنا جول بەرمەۋ بولىگىندە قازاقستان قابىلداپ جاتقان شارالار مەن قۇرالدار تۋرالى باياندادى.

وسىلايشا، دەنساۋلىق ساقتاۋ مينيسترلىگى سوڭعى جەتى كۇندە 100 مىڭ تۇرعىنعا شاققانداعى سىرقاتتانۋشىلىق دەڭگەيىنە جانە R ۇدايى ءوندىرۋ كوەففيتسيەنتىنە نەگىزدەلگەن بولجامدار مەن ارنايى ماتريتسانى پايدالانا وتىرىپ، قازاقستانداعى ەپيدەميولوگيالىق جاعدايعا تۇراقتى تۇردە باعالاۋ جۇرگىزەدى. ماتريتسانىڭ نەگىزىندە ەلدىڭ ناقتى وڭىرلەرىندە شەكتەۋ شارالارىن كۇشەيتۋ نەمەسە السىرەتۋ تۋرالى شەشىم قابىلدانادى. باسقا ەلدەرمەن ۆاكتسيناتسيا پاسپورتتارىن ءوزارا تانۋ جۇمىستارى جالعاسۋدا.

بۇگىنگى تاڭدا قازاقستاندىق ۆاكتسيناتسيا پاسپورتىن الەمنىڭ 20 ەلى مويىنداعان: ارگەنتينا رەسپۋبليكاسى، ۆەنگريا، گرۋزيا، يران يسلام رەسپۋبليكاسى، يوردانيا، قىرعىز رەسپۋبليكاسى، مالديۆ رەسپۋبليكاسى، موڭعوليا، ارمەنيا رەسپۋبليكاسى، بەلارۋس رەسپۋبليكاسى، مولدوۆا رەسپۋبليكاسى، پەرۋ رەسپۋبليكاسى، سان-مارينو رەسپۋبليكاسى، سەربيا رەسپۋبليكاسى، تۋنيس رەسپۋبليكاسى، ءۇندىستان رەسپۋبليكاسى، فيليپپين رەسپۋبليكاسى، تايلاند، تۇركيا رەسپۋبليكاسى جانە ەستونيا رەسپۋبليكاسى. بۇدان باسقا، قازاقستان ۆاكتسينالاردى ازىرلەۋشى ەلدەردىڭ اراسىندا بولعاندىقتان جاھاندىق «ۇجىمدىق يممۋنيتەتكە» ءوز ۇلەسىن قوسۋدا.

QazVac وتاندىق ۆاكتسيناسىن قازاقستاننىڭ بيولوگيالىق قاۋىپسىزدىگى ۇلتتىق عىلىمي-زەرتتەۋ ينستيتۋتى ازىرلەدى.

ء«بىز وسى ۆاكتسينانى شىعاراتىن زاۋىت قۇرىلىسىنىڭ ەكىنشى كەزەڭىن اياقتاپ، 2022 جىلى جىلىنا 60 ميلليون دوزادان قۋات الامىز دەپ ۇمىتتەنەمىز. ءبىز QazVac ۆاكتسيناسىنىڭ ەكسپورتىن ۇيىمداستىرۋعا دايىنبىز»، دەپ تۇيىندەدى ۆيتسە-مينيستر يندونەزيالىق ارىپتەستەرىن QazVac ۆاكتسيناسىن بىرلەسىپ شىعارۋعا شاقىردى.

ءوز كەزەگىندە يندونەزيانىڭ دەنساۋلىق ساقتاۋ ءمينيسترى بۋدي گۋنادي ساديكين قازاقستاننىڭ COVID-19 پاندەمياسىمەن كۇرەستەگى كۇش-جىگەرىن جوعارى باعالادى جانە دسم وكىلدەرىنە يندونەزيا ءوز تاريحىندا العاش رەت جيىرما (G20) توبىندا رەسمي تۇردە توراعالىق ەتكەنىن، پاندەميادان كەيىن ەكونوميكانى قالپىنا كەلتىرۋ، ەنەرگەتيكالىق كوشۋ جانە تسيفرلىق ترانسفورماتسيا ماسەلەلەرىنە نازار اۋدارۋعا ۋادە بەردى.

وسىعان بايلانىستى يندونەزيا دسم باسشىسى قازاقستاندى دامىعان جانە دامۋشى مەملەكەتتەر اراسىنداعى كوروناۆيرۋسقا قارسى ۆاكتسينالاردى تاراتۋ ىسىندەگى الشاقتىقتى ازايتۋعا ءوز ۇلەسىن قوسۋعا شاقىردى.

سوڭعى جاڭالىقتار

ۇقساس جاڭالىقتار