قوعام • 03 جەلتوقسان، 2021

جەمقورلىق: جوعارعى سوتتىڭ بۇرىنعى سۋدياسى 5 جىلعا سوتتالدى

49 رەت كورسەتىلدى

قر جوعارعى سوتىنىڭ بۇرىنعى سۋدياسى مەيرام جانعۇتتينوۆتى 5 جىلعا سوتتاۋ تۋرالى شەشىم قابىلداندى، دەپ حابارلايدى Egemen.kz.

بۇگىن نۇر-سۇلتان قالاسى بايقوڭىر اۋدانىنىڭ №2 سوتى مەيرام جانعۇتتينوۆكە قاتىستى الاياقتىققا قاستاندىق جاساۋ فاكتىسى بويىنشا (قك 24-بابى 3-بولىگى، 190-بابى 3-بولىگى 1-2 تارماعى) جانە ل. تۇرعىنباەۆاعا پارا بەرگەنى ءۇشىن (قك 367-بابى 3-بولىگى 2 تارماعى) ايىپتاۋ ۇكىمىن جاريالادى.

قالالىق سوتتىڭ اقپاراتىنا سۇيەنسەك، جانعۇتتينوۆ جاۋاپتى مەملەكەتتىك لاۋازىمدى اتقاراتىن تۇلعا بولا وتىرىپ (قر جوعارعى سوتىنىڭ سۋدياسى، بۇگىندە وكىلەتتىگى توقتاتىلدى)، پارا الۋ جەلەۋىمەن تۇرعىنباەۆادان (شىمكەنت قالاسى ءال-فارابي اۋداندىق سوتىنىڭ سۋدياسى، وكىلەتتىگى توقتاتىلدى) دەلدال ابدۋساتتاروۆ ارقىلى 7 مىڭ اقش دوللارى سوماسىنداعى قاراجاتتى يەمدەنۋگە تىرىسقان. جوعارعى سوتتىڭ ەكس-سۋدياسى م. جانعۇتتينوۆ اقشا الۋ كەزىندە ۇستالعان.

«سوت جازا تاعايىنداۋ كەزىندە جانعۇتتينوۆ پەن تۇرعىنباەۆاعا قاتىستى سۋديا انتىن بۇزۋ اۋىر جاعداي دەپ تانىپ، باس بوستاندىعىنان ايىرۋ جازاسىن ءادىل جازا دەپ سانادى. وسىعان بايلانىستى جانعۇتتينوۆ 5 جىلعا باس بوستاندىعىنان ايىرىلدى. تۇرعىنباەۆاعا قاتىستى جازانى جەڭىلدەتەتىن ءمان-جايلار ەسكەرىلدى. ياعني، شىن جۇرەكتەن وكىنۋ جانە قىلمىستى اشۋ مەن وعان قاتىسى بارلاردى اشكەرەلەۋگە بەلسەندى ىقپال ەتكەنىن ەسكەرە وتىرىپ (قك 55-بابى 4-بولىگى) ول 5 جىلعا سوتتالدى. سوتتالۋشىنىڭ ەكەۋى دە ءومىر بويى مەملەكەتتىك قىزمەتتە جۇمىس ىستەۋ قۇقىعىنان ايىرىلدى»، دەلىنگەن حابارلامادا.

سوت ۇكىمى زاڭدى كۇشىنە ەنگەن جوق.

سوڭعى جاڭالىقتار

ۇقساس جاڭالىقتار