بوكس • 03 جەلتوقسان، 2021

AIBA پرەزيدەنتى قازاقستانعا رەسمي ساپارمەن كەلدى

155 رەت كورسەتىلدى

حالىقارالىق اۋەسقوي بوكس قاۋىمداستىعىنىڭ پرەزيدەنتى ۋمار كرەملەۆ قازاقستانعا كەلدى، دەپ حابارلايدى Egemen.kz.

ۋمار كرەملەۆ ۇيىم باسشىسى بولعالى العاش رەت قازاقستانعا، ونىڭ ىشىندە نۇر-سۇلتان قالاسىنا ات باسىن بۇردى. AIBA پرەزيدەنتىنىڭ ەلورداعا كەلۋدەگى باستى ماقساتى – ءبىزدىڭ ەلدىڭ بوكس ماماندارىمەن بىرلەسە جۇمىس ىستەپ، اۋەسقوي بوكستىڭ قازاقستاندا دامۋىنا ۇلەس قوسۋ.

«قازاقستاننىڭ اۋەسقوي بوكس دەرجاۆاسى ەكەنى بۇرىننان ءمالىم. سوندىقتان دا مەن سىزدەردىڭ ەلگە كەلىپ، بوكسشىلاردىڭ، باپكەرلەردىڭ جۇمىسىن كورگەندى ءجون سانادىم. ءدال قازىر ءبىزدىڭ ۇيىم تورەشىلىككە قاتىستى رەفورمالار جاساپ جاتىر. بارلىق نارازىلىقتار قابىلدانادى. ءبىرىنشى كەزەكتە ادالدىق پەن اشىقتىق بارىنەن جوعارى تۇرۋى ءتيىس. قازاقستان بوكس فەدەراتسياسىنىڭ ەسەلى ەڭبەگىنىڭ ارقاسىندا اۋەسقوي بوكس وركەندەپ كەلەدى. سوندىقتان دا العىسىمدى بىلدىرەمىن»، دەدى AIBA باسشىسى.

ۇيىم باسشىسى رەسمي ساپارى بارىسىندا ەلوردالىق بوكسشىلاردىڭ «استانا-ارەنا» ستاديونىنداعى جاتتىعۋىن كورمەك. ودان بولەك ءبىزدىڭ ەلدىڭ بوكس ماماندارىمەن بىرگە بىرنەشە كەزدەسۋلەرگە قاتىسپاق.

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار