ونەر • 03 جەلتوقسان، 2021

تۇڭعىش پرەزيدەنت كۇنىنە ارنالعان كونتسەرت

52 رەت كورسەتىلدى

وبلىس ورتالىعى وسكەمەندە قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان «ەلباسى جولى» اتتى مەرەكەلىك كونتسەرت ءوتتى. ءيا، تاۋەلسىزدىك جولىندا ەلباسىنىڭ جولى ەرەك، ەڭبەگى ەرەن.

ءۇلبىنىڭ جاعا­لاۋىنداعى «ەرتىس كونتسەرتتە» وتكەن سالتاناتتى شا­راعا شى­عىستىڭ ءانشى-كۇيشىلەرى عا­نا ەمەس، قازاقستان ەستراداسىنىڭ تا­­نى­مال جۇلدىزدارىنىڭ ءبىرى «Mezzo» توبى دا اننەن شاشۋ شاش­­تى.

مەرەكەلىك كونتسەرتكە كەلگەن قالا جۇرتشىلىعى ەڭ الدىمەن «ەرتىس كونتسەرتتىڭ» كىرەبەرىس فويە­سىنە قويىلعان «كەمەڭگەر كوش­باس­شى – كەمەل قازاقستان» اتتى كور­مەنى ارالاپ كوردى. وب­لىستىق ا.پۋشكين اتىنداعى كى­تاپحانا ۇجى­مى ۇسىنعان بۇل كورمەدە تۇڭعىش پرەزيدەنت نۇرسۇلتان نازارباەۆتىڭ ءومىر جولى، ەل ءۇشىن ەتكەن ەڭبەگى، تا­ۋەلسىز قازاقستاننىڭ قالىپ­تا­­سۋى مەن وسى كۇندە جەتكەن جەتىس­­تىكتەرى تۋرالى مول مالىمەت جيناقتالعانىنا كۋا بولدى ەل. كورمەدەن سوڭ ەلدىڭ نازارى ەلباسى تۋرالى دەرەكتى فيلم­گە اۋدى. قىس­قامەترلى دەرەكتى فيلم­دە تۇڭ­عىش پرەزيدەنتتىڭ ءجۇرىپ وتكەن جولى باياندالادى.

مەرەكەلىك كۇنگە وراي ۇيىم­داستىرىلعان كونتسەرتتىڭ شى­مىلدىعى ق.مۇحتاردىڭ ورىن­دا­ۋىنداعى «اسىل اعا» اتتى انمەن ءتۇرىلدى. سونداي-اق كورەر­مەننىڭ ىستىق ىقىلاسىنا يە بولىپ جۇرگەن قازاق ەستراداسىنىڭ تانىمال انشىلەرى «Mezzo» توبى دا ارنايى كەلىپ، ونەر كور­سەتتى. كلاسسيكالىق ستيلدە عانا ءان سالاتىن «Mezzo» توبى بيىل سوچيدە وتكەن «جاڭا تول­قىن» بايقاۋىنا قاتىسىپ، ءدۇيىم جۇرتتى ونەرلەرىمەن ءتانتى ەتكەن ەدى. بۇل جولى دا ولار گ.پودەلسكيدىڭ «ليۋبليۋ تەبيا، موي كراي رودنوي»، ابايدىڭ «كو­زىمنىڭ قاراسى» اندەرىن ورىنداپ، وسكەمەندىكتەردىڭ قوشەمەتىنە بولەندى. ءيا، تىڭداپ وتىرىپ، ونەردىڭ، ءان ونەرىنىڭ ءبىر شىڭى دەرسىز. كوڭىلدى كەشتە «Incoro» توبى ن.نازارباەۆتىڭ «گورود موي» ءانىن شىرقادى.

تۇڭعىش پرەزيدەنتتىڭ يادرو­لىق قارۋدان باس تارتىپ، بۇكىل الەمگە ۇلگى بولعانىن ءبارىمىز بىلەمىز، ماقتان تۇتامىز. مەرە­كەگە ورايلاستىرىلعان بۇل كون­تسەرتتە ەلباسىنىڭ سەمەي يادرو­لىق پوليگونىن جاپقانداعى ەڭبەگى دە اتالدى. وسىناۋ يگى ءىس­تىڭ جەلىسىن «التاي» حالىقتىق بي توبى «سەمەي-نەۆادا» كومپو­زيتسياسى ارقىلى ءساتتى الىپ شىقتى. مەرە­كەگە وراي تاۋەلسىز ەلدىڭ باقىت­تى بالالارى دا ولەڭ وقىپ، ان­نەن شاشۋ شاشتى. ولار «ۇشقو­ڭىر»، «اق كوگەرشىن»، «زەمليا مويا» ان­دە­رىن شىرقاپ، كورەرمەن جۇ­رەگىن ەلجىرەتىپ جىبەرگەندەي بولدى. ۇيىپ تىڭ­دادى ءبارى. ءبىر ساعات­قا سوزىلعان مەرەكەلىك كونتسەرت ن.نازارباەۆتىڭ «جەرىم مەنىڭ» انى­مەن قورىتىندىلاندى.

 

شىعىس قازاقستان وبلىسى

 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

الداعى كۇندەرى كۇن سۋىتادى

اۋا رايى • بۇگىن، 11:55

ۇقساس جاڭالىقتار