ايماقتار • 03 جەلتوقسان، 2021

الماتىلىق 1 مىڭعا جۋىق جاس مامان جاڭا پاتەرلەرگە قونىستاندى

54 رەت كورسەتىلدى

قوي ۇستىنە بوزتورعاي جۇمىرتقالاعان قانداي كەرەمەت زامان بولسا دا، ءۇيى جوقتىڭ – كۇيى جوق. الدىمەن ادامعا باسپانا كەرەك. ارمانداردىڭ دا ۇلكەنى – جايلى ءۇي. وسى ماسەلەدە وتباسى بانكى ساۋاپتى قادامدارعا عانا ەمەس، ۇلكەن ساياساتقا بارىپ وتىرعانىن مويىنداۋ ءلازىم.

سونىمەن «الماتى جاستارى» قالالىق باعدارلاماسى اياسىندا بيىل 1 مىڭعا جۋىق مۇعالىم، دارىگەر، جۋرناليست، مادەنيەت قىزمەتكەرلەرى، سپورتشىلار، الەۋمەتتىك سالا قىز­مەتكەرلەرى مەن قۇقىق قورعاۋ ورگان­دا­رىنىڭ جاس ماماندارى باسپانالى بولادى.

الايدا جۇمىسى بار، بىراق جيناعان قورى، ارتىق اقشاسى جوق جاستاردى قايتكەندە پاتەرلەرمەن قامتاماسىز ەتۋگە بولادى؟ ءبىر جاعىنان جاستاردىڭ ءوزى دە بانكتەر ارقىلى ءۇيلى بولۋعا تاۋەكەل ەتە بەرمەيدى، ياكي ءتيىمدى جولدارىن بىلمەيدى. مۇنىڭ شەشىمىن وتبا­سى بانك نۇر-سۇلتان جانە الماتى قالالارىنىڭ اكىمدىكتەرىمەن بىرىگە وتىرىپ تاپتى.

جاستارعا ءتيىمدى شارتتارمەن تۇرعىن ءۇي ساتىپ الۋعا كومەكتەسۋ ماقساتىندا «الماتى جاس­تارى»، Elorda Zhastary اتتى باع­دار­لامالار شىعاردى. وسى تاعدىرشەشتى قا­دام قازىردىڭ وزىندە ءبىراز ادامدى العاشقى ءوز شاڭىراقتارىنا كىرگىزدى.

مىسالى، «الماتى جاستارى» باعدار­لاماسىمەن العاشقىلار قاتارىندا ءۇيلى بول­عان­­داردىڭ ءبىرى – «31 ارنانىڭ» ماركەتينگ ءبو­لىمىنىڭ مامانى ايكەرىم بەلگىباەۆا.

– الماتىعا كوشىپ كەلگەلى مەن دە ءۇي جالداۋدىڭ قيىنشىلىقتارىنا تاپ بولدىم. ءۇيدىڭ باعاسى مەن ساپاسى سايكەس كەلمەيتىن، الاياقتار كوپ جانە ءۇي يەسىنىڭ قاس-قاباعىنا قاراپ قينالاسىڭ. ءتورت جىل بويى پاتەردەن پاتەرگە كوشىپ جۇردىك. ارينە، جاقسى ءۇي يەلەرى دە بولدى، بىراق قىمباتشىلىقتان بولەك، پاتەر قوجايىندارى دا ءوز تالاپتارىن قويادى. قاراعاندى قالاسىنىڭ تۋماسىمىن، جاسىم 30-دا، وتباسىمىزدا مەنەن باسقا اكە-شەشەم مەن ءسىڭلىم بار. ماماندىعىم بويىنشا جۇمىس ىستەمەگەنىممەن، 2017 جىلى الماتىعا كوشىپ كەلگەلى تەلەۆيزيا سالاسىندا – «31 ارنادا» ماركەتينگ بولىمىندە قىزمەت اتقارىپ ءجۇرمىن. ءوز ءۇيىمدى بيىل جازدا، تامىز ايىندا الدىم. وسى باعدارلاما جايىن­دا ەستىگەن بويدا ناۋرىز ايىندا ءوتىنىم بەر­دىك. «الماتى جاستارى» تۋرالى بىلتىر ارىپ­تەس­تەرىم ءۇي العاندا ەستىگەن بولاتىنمىن. بۇعان دەيىن دە جاس ماماندارعا ارنالعان باع­دار­لاماعا قاتىستىم، بىراق شارتتارى قيىن بولعان سوڭ ءارى قاراي جالعاستىرمادىم. ال «الماتى جاس­تارى» باعدارلاماسىنىڭ شارتتارى قازىرگى جاستار ءۇشىن مەملەكەت ۇسىنعان ۇلكەن كومەك. كەرەكتى سومانى، ياعني العاشقى جارنانى بىرنەشە جىل جيناۋدىڭ قاجەتى جوق. قىرۋار انىقتاما، قۇجات جيناپ، تۇراقتى تىركەۋدى قاجەتتىلىك ەتپەيدى. ءوز سالاسىندا مىقتى جاس ماماندارعا ءوز ەلىندە ادال ەڭبەك ەتىپ، باسپانالى بولۋىنا كەرەمەت قۇلشىنىس بەرەتىن باستاما. تاعى ءبىر ەرەكشەلىگى، نەسيەگە بەرىلەتىن سومانى ءۇي باعاسىنىڭ كوتەرىلۋىنە بايلانىستى بىلتىرعىعا قاراعاندا وسىرگەن. مەنىڭشە، 23-25 جاسىمىزدا باسپانالى بولۋ ورىندالماس ارمان جانە كوپ قاراجات قاجەت ەتەدى دەپ ويلايتىنمىن. بىراق قازىر مەملەكەت تاراپىنان وسىنداي باعدارلامالار ۇلكەن دەمەۋ. سوندىقتان زامانداستارىما ايتارىم، وسىنداي باعدارلامالاردى وقىپ، ءبىلىپ، تۇسىنبەگەنىن مەنەدجەرلەردەن سۇراپ، ماقسات قويىپ، تالپىنىپ كورۋ كەرەك. تاعى دا قوسارىم، باسقا سالادا جۇمىس ىستەيتىن جاس مامانداردى دا وسى باعدارلاماعا قوسسا، كەرەمەت بولار ەدى. باسپانا كىلتىن العاننان كەيىن، 1-2 اپتاداي سەنە الماي ءجۇردىم. بۇل – ۇلكەن قۋانىش! «الماتى جاستارىنىڭ» تاعى ءبىر ەرەكشەلىگى – پاتەردى ءوزىڭ تاڭداي الاسىڭ. باعدارلاما كوڭىلىمنەن شىقتى، – دەيدى جاڭادان الماتىلىق بولىپ شىعا كەلگەن ايكەرىم مۇراتقىزى.

ەندى الماتىلىق جاستارعا قالاي ءۇي الۋعا بولاتىندىعىن تۇسىندىرەيىك.

جوعارىدا اتاپ وتكەندەي، 2021 جىلدىڭ 10 ناۋرىزىندا الماتى اكىمدىگى مەن «وتباسى بانك» اق جىل سايىنعى بىرلەسكەن جوباسى – «الماتى جاستارى» باعدارلاماسى باستالدى. تۇرعىن ءۇي باعدارلاماسى جاس ماماندارعا باسپانا الۋ ءۇشىن جەڭىلدەتىلگەن نەسيە الۋعا مۇمكىندىك بەرەدى.

جوباعا 35 جاسقا دەيىنگى نەمەسە 35 جاسقا تولعان (جۇبايىنىڭ/زايىبىنىڭ جاسىنا قاراماستان) ەرلى-زايىپتىلاردىڭ بىرەۋى عانا قاتىسا الادى. ءوتىنىش بەرۋشىنىڭ جانە ونىڭ وتباسى مۇشەلەرىنىڭ اتىندا سوڭعى 5 جىلدا جىلجىمايتىن م ۇلىك بولماۋى ءتيىس، تەك جەكەشەلەندىرۋ نەمەسە مۇراگەرلىك قۇقىقپەن كامەلەتكە تولعانعا دەيىن الىنعان جىلجىمايتىن م ۇلىكتەگى ۇلەس قانا ەسكەرىلمەيدى. «الماتى جاستارى» قاتىسۋشىلارىنىڭ رەسمي جۇمىس ءوتىلى سوڭعى التى ايدان كەم بولماۋى ءتيىس ءارى مىندەتتى زەينەتاقى جارنالارى اۋدارىلىپ تۇرۋى قاجەت. ءوزىن-ءوزى جۇمىسپەن قامتىعان ۇمىتكەرلەردىڭ كەمىندە جارتى جىل بويى الماتى قالاسىندا تىركەلگەن جانە قىزمەت كورسەتەتىن جەكە كاسىپكەرلىگى بولۋى مىندەتتى.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار