«قۇرمەتتى, نۇرسۇلتان ءابىش ۇلى! قازاقستان رەسپۋبليكاسى پرەزيدەنتىنىڭ ءبىرىنشى جالپىحالىقتىق سايلاۋىنداعى جەڭىسىڭىزدىڭ 30 جىلدىعىنا – اتاۋلى داتاعا وراي شىن جۇرەكتەن قۇتتىقتاۋىمدى قابىل الىڭىز. ءسىزدىڭ مەملەكەت باسشىسى بولعان جىلدارىڭىز قازىرگى زامانعى قازاقستاندىق مەملەكەتتىك قالىپتاسۋ كەزەڭىنە اينالدى.
ءسىزدىڭ باسشىلىعىڭىزبەن رەسپۋبليكا ەكونوميكالىق, الەۋمەتتىك, عىلىمي-تەحنيكالىق جانە باسقا دا سالالاردا تاماشا جەتىستىكتەرگە قول جەتكىزدى. الەمدىك ارەنادا جوعارى بەدەلگە يە بولدى. ءسىزدىڭ رەسەيلىك-قازاقستاندىق ستراتەگيالىق سەرىكتەستىك جانە وداقتاستىق قارىم-قاتىناستى قالىپتاستىرۋعا ءارى دامىتۋعا, سونىمەن قاتار پوستكەڭەستىك كەڭىستىكتەگى ءوزارا ءتيىمدى ينتەگراتسيالىق پروتسەسستەردى, ەۋرازەس, ۇقشۇ, تمد, شىۇ جانە وزگە دە كوپجاقتى قۇرىلىمدار اياسىنداعى سىندارلى ىنتىماقتاستىقتى جولعا قويۋعا قوسقان جەكە ۇلەسىڭىزدى باعالاۋ وتە قيىن.
ءسىزدىڭ بويىڭىزداعى مەملەكەت قايراتكەرىنىڭ مول تاجىريبەسى, جان-جاقتى ءبىلىم, ساياسي دانالىق پەن كورەگەندىلىك قازاقستانعا دا, حالىقارالىق ىستەردە الداعى ۋاقىتتادا قاجەت بولا بەرەتىندىگىنە كۇمان كەلتىرمەيمىن. ءبىزدىڭ ادال قارىم-قاتىناسىمىزدى شىنايى باعالايمىن جانە سىزدەن دوستىق بايلانىسىمىزدىڭ جالعاساتىندىعىنا سەنەمىن.
سىزدە زور دەنساۋلىق, ۇزاق عۇمىر, باعىت, جان سەرگەكتىگى مە تابىستار تىلەيمىن! قۇرمەتپەن, ۆلاديمير پۋتين», دەلىنگەن جەدەلحاتتا.
