ەلباسى • 30 قاراشا، 2021

«بولاشاق» – تاۋەلسىزدىك برەندى

258 رەت كورسەتىلدى

مەن قىزىلوردا وبلىسى قازالى اۋدانى قۇمجيەك اۋىلىندا تۋدىم. العاش مەكتەپ تابالدىرىعىن وسى قۇمجيەكتە اتتادىم. اۋىل بالاسىنا انگلياعا اتتانۋ ورىندالماس ارمانداي ەدى. الايدا بىزگە ارماندى شىندىققا اينالدىرۋعا مۇمكىندىك بەرىلدى. سول زور مۇمكىندىك جار­قىن بولاشاقتى جاقىنداتقان «بولا­شاق» باعدارلاماسى بولاتىن. بى­راق ءبارى بالا شاقتان باستالدى.

ينفوگرافيكانى جاساعان امانگەلدى قياس، «EQ»

ورىندالعان ارمان

كارىبوز اتام ەل اراسىندا سوزگە شە­شەن­دىگى ءارى قاسىنىڭ ەرەكشە قويۋلى­عىنان «كارىبوز شەشەن» اتانىپ، اۋىل-رۋلاردى تاتۋلاستىرۋ مەن ەلدەستىرۋدە حالىق بيلىگىنىڭ ماڭىزدى وكىلى بولعان. «ەلدەستىرمەك – ەلشىدەن» دەپ دانا حال­قىمىز ايتقانداي، مەن دە كارىبوز اتامنىڭ جولىن قۋىپ، 1995 جىلى ءال-فارابي اتىنداعى قازاق ۇلتتىق ۋنيۆەرسيتەتى حالىقارالىق قاتىناستار فاكۋلتەتىنىڭ العاشقى قازاق توبىنا وقۋعا ءتۇستىم. 2000 جىلى ۇزدىك تۇلەك رەتىندە ەلىمىزدىڭ سىرتقى ىستەر مينيسترلىگىنە جولداما الىپ، تاۋ بوكتەرىندەگى ارۋ الماتىدان سارىارقانىڭ ءورى، ەلىمىزدىڭ ءتورى بولعان باس قالاعا اتتاندىم.

جاس ديپلومات رەتىندە شەتەلدىك باس­شى­لاردىڭ مەملەكەتتىك جانە رەسمي ساپارلارىن ۇيىمداستىردىم. 2003 جىلى ەلباسىمىزدىڭ تاريحي باستامالارىنىڭ ءبىرى – الەمدىك جانە ءداستۇرلى دىندەر كوشباسشىلارىنىڭ I سەزىنە يزرايل مەملەكەتى دەلەگاتسياسىنىڭ قاتىسۋىنا اتسالىستىم. بۇل مەنىڭ ديپلوماتيالىق تاجىريبەمدە ۇلكەن اسەر قالدىرعان وقيعا بولدى.

2007 جىلى سول كەزدەگى ءبىلىم جانە عىلىم ءمينيسترى جانسەيىت تۇيمەباەۆ­تىڭ شاقىرۋىمەن ەندى عانا اشىلىپ، جۇمىسىن باستاپ جاتقان ەل پرەزي­دەن­تىنىڭ «بولاشاق» حالىقارالىق ستي­پەندياسىنىڭ اكىمشىسى – حالىقارالىق باعدارلامالار ورتالىعىنا باس مەنەد­جەر رەتىندە قابىلداندىم. ءبىلىم قۋعان تالاي جاس زامانداسىمىزعا كەمەل بولا­شاق سىيلاعان ورتالىقتىڭ ىشىندە قىز­مەتتىك «ليفتىمەن» كوتەرىلە ءجۇرىپ، شە­تەل­دىڭ ۇزدىك جوعارى وقۋ ورىندارىمەن سەرىكتەستىك ورناتىپ، «بولاشاقتىڭ» كوكجيەگىن كەڭەيتۋگە ءوز ۇلەسىمدى قوستىم.

2009 جىلى الەمنىڭ ەكونوميكا مەك­تەپ­تەرىنىڭ كوشباسشىسى سانالاتىن لون­دون ەكونوميكا مەكتەبىنە (LSE) وقۋعا قا­بىلداندىم. بۇل ارمانىم ەلىمىز­دىڭ تاۋەلسىزدىگى جانە ەلباسىنىڭ ادامي ­كا­­­پي­تالدى دامىتۋداعى ەڭ ءساتتى ستارتابى – «بولاشاق» باعدارلاماسى ارقىلى ورىندالدى. تىنىمسىز تالپىنىستىڭ ناتيجەسىندە مەملەكەتتىك باسقارۋ جانە مەنەدج­مەنت سالاسىنداعى عىلىم ما­گيسترى بولىپ وتانىما ورالدىم. ەلگە كەلە سالا ديپلوماتيا جولىنا قايتا بەت بۇردىم. ءبىراز جىل بويى قازاقستاننىڭ ۇلىبريتانيا جانە سولتۇستىك يرلانديا بىرىككەن كورولدىگىندەگى ەلشىلىگىندە ين­ۆەستيتسيالىق كەڭەسشى قىزمەتىن اتقاردىم.

پ

ءبىر كەزدەرى ەلگە حالىقارالىق بىلىم­مەن قايتا كەلگەندەي، اراعا جىل­دار سا­لىپ، ۇلكەن تاجىريبە جيناپ ءوزىم ەڭبەك ەتىپ، كىرپىشىن بەرىك قالاۋعا اتسا­لىس­قان ورتالىققا ورالدىم. ءبىلىم جانە عىلىم ءمينيسترى اسحات ايماعام­بە­توۆ­تىڭ قولداۋىمەن «بولاشاق» باعدار­لاما­سىنىڭ ىسكە اسىرىلۋىن جاڭا ساپالى دەڭگەيگە كوشىرۋگە بار كۇش-جىگەرىمدى سالۋدامىن. ورتالىققا ورالۋداعى ۇلكەن جاۋاپكەرشىلىك پەن تاريحي ميسسيامدى ەرەكشە سەزىنەمىن، بۇل – تالاي جاستىڭ ءۇمىتىن ۇكىلەپ، ارمانىن اسقاقتاتقان تەڭ­دەسسىز پرەزيدەنتتىك ستيپەنديانىڭ مار­تەبەسىن، حالىقتىڭ وعان دەگەن سەنىمىن ارت­تىرۋ، باعدارلامانىڭ زامان تالابىنا ساي جاڭ­عىرىپ، جەتىلۋىن قامتاماسىز ەتۋ.

 

ەلباسىنىڭ ەرلىگى

وسىلاي دەسەك، ارتىق ايتپاعان بولار­مىز. سەبەبى بارى­مىزگە بەلگىلى، توقسا­نىن­شى جىلداردىڭ باسى قازاقستان ءۇشىن تاعدىرشەشتى كەزەڭ بولدى. داۋىرلەر ال­ماسقان داعدارىستى شاقتا الىستى بول­جاپ، جاقىندى اڭداۋ تاۋەلسىز قا­زاق­ستاننىڭ تۇڭعىش پرە­زي­دەنتى نۇر­سۇلتان نازارباەۆتىڭ ماڭ­دايىنا جازىلىپتى. شۇعىل شەشىم، ءاب­جىل ارەكەتتى قاجەت ەتەتىن سىندارلى سات­تە ەلدىڭ ەڭ­سە­سىن كوتەرىپ، ىرگەسىن بەكىتۋ، الەمدىك دارە­جە­دەگى ءبىلىمى بار مايتالمان ماماندار دايارلاۋ ءۇشىن ەلباسى 1993 جىلعى 5 قاراشادا «بولاشاق» ستيپەندياسىن قۇرۋ تۋرالى قاۋلى قابىل­دا­دى. ەكونوميكا تۇرالاپ، الەۋمەتتىك احۋال تولىق تۇراق­تالماي تۇرعان تۇستا قارجىنى شەتەلدەن ءبىلىم الۋ ىسىنە سالۋ – زور تاۋەكەل مەن كورە­گەندىكتى قاجەت ەتەتىن ەرلىكتى ءىس.

ارادا شيرەك عاسىر ءوتتى. «بولاشاق» باعدارلاماسىمەن دۇنيەنىڭ ماڭدايال­دى وقۋ ورىندارىن ءبىتىرىپ كەلگەن جاستار تاۋەلسىز ەلدىڭ تۋىن بيىككە كوتەرىپ، قازاقستاننىڭ كوشباسشى كادرلىق كلا­سىن قالىپتاستىردى. «بولاشاق» باع­دارلاماسى بۇگىندە 30 جىل بولعان تاۋەل­سىزدىكتىڭ برەندىنە اينالدى. مىنە، تاريح ءۇشىن قاس قاعىم ءسات بولسا دا، قازاق ءۇشىن قاستەرلى دە قيىن-قىستاۋ كەزەڭدە ەلباسىنىڭ ستراتەگيالىق قادامعا بارىپ، تاۋەكەل ەتكەنىن بۇگىن «بولاشاق» دا­لەلدەپ وتىر. 11 مىڭنان اسا «بولاشاق» باع­دارلاماسىنىڭ تۇلەگى قوعامنىڭ ءار سالا­سىندا: دەنساۋلىق ساقتاۋ، ءبىلىم بەرۋ، مەملەكەتتىك قىزمەت، مادەنيەت، عىلىم جانە تەحنيكا، اۋىل شارۋاشىلىعى، ءون­دى­رىس، IT جانە يننوۆاتسيالار – بارلىق جەر­دە ولشەۋسىز ۇلەستەرىن قوسىپ جاتىر. ەگەمەندىكتىڭ عاسىرعا بەرگىسىز ءار جى­لىندا «بولاشاق» باعدارلاماسىن بولا­شاقتى ويلاي بىلگەنىنىڭ جەمىسى دەپ ايت­ساق بولادى. مەملەكەتتىك باعدارلاما ار­قىلى ءبىلىم العان جاستار ەلىمىزدى وركەن­دەتىپ، قازاقستان اتتى قاستەرلى «قۇرى­لىستى» قارقىندى تۇردە جۇرگىزە بەرەرىنە كۇمان جوق.

تۇلەكتەن تىلەك

«بولاشاق» باعدارلاماسى قابىلدان­عالى بەرگى 28 جىل ىشىندە 14 مىڭنان اسا قازاقستاندىق ستيپەنديات اتاندى. وسى­­لايشا، شيرەك عاسىرعا جۋىق ۋاقىت ىشىن­دە كوشباسشىلار كومانداسى قالىپ­تاستى.

ەندى جالقىدان جالپىعا وتەيىك. توق­­سا­نىنشى جىلدارى «بولاشاق» ستي­­­پەن­دياسىنا يە بولىپ، گەرمانياعا ات­تان­­­عان دميتري گوربۋنوۆ Albert-Ludwigs-Universitat Freiburg-تا وقىپ، تيۋ­­بينگەن قالاسىنداعى جۇرەك-قان­تا­مىر حي­­رۋرگياسى بولىمشەسىندە كليني­كا­­لىق ور­ديناتۋرادان ءوتتى. ەلگە 2001 جى­­لى ورالىپ، استاناداعى بالالار كار­­­­ديو­­حيرۋرگياسى كلينيكاسىن قۇرۋعا ات­سالىستى. بۇگىندە ۇلتتىق كار­ديو­حي­­­رۋر­­گيالىق ورتالىعىنداعى بالا­لار كار­­­ديوحيرۋرگياسى ءبولىمىنىڭ مەڭ­گەرۋ­­شىسى بولىپ جۇمىس ىستەيتىن دميت­ري سا­بي­لەردىڭ جۇرەگىنە كۇردەلى وپە­را­تسيا­لار جاسايدى. قازىردىڭ وزىندە ول بالا­لاردىڭ جۇرەگى مەن ماگيسترال­دى قان­­تامىرلارىنا 7 مىڭنان اسا وپەراتسيا جاساعان. ء«بىز حيرۋرگ رەتىندە كىشكەن­­تاي پاتسيەنت­تەرىمىزدىڭ وڭالا باستاعانىن كورگەندە، قۋانىشىمىز قوينىمىزعا سىيماي كەتەدى. بالالار وسەدى، داميدى، سويلەيدى، ءتاي-ءتاي باسىپ تالپىنا باستايدى. ادامعا كومەكتەسكەننەن ارتىق قانداي ءلاززات كەرەك»، دەيدى «بولاشاق» تۇلەگى دميتري ۆالەرەۆيچ.

ك

«بولاشاقتىڭ» دا بەت-بەينەسى وسىنداي كەمەل ادامدار بولسا كەرەك. ويلاڭىز، مىڭداعان ءسابيدىڭ جۇدىرىقتاي جۇرەگىن ەمدەۋگە ءبىر عانا تۇلەك وسىلاي قىزمەت ەتىپ ءجۇر. ال ەگەر سول سىرقات سابيلەردى سىرت ەلگە جىبەرسە نە بولار ەدى؟ وعان اۋەلى بارلىق اتا-انانىڭ قارجىسى جە­تەر مە ەدى؟ ءدميتريدىڭ تىلەگى – تۇلەك­تىڭ تىلەگى قانداي جىلى: «ادامعا كومەك­تەسكەننەن ارتىق قانداي ءلاززات كەرەك»... بۇل شاماسى «بولاشاق» باعدارلاماسى ارقىلى شەتەلدە وقىپ كەلگەن ءار تۇلەكتىڭ كوكەيىندە تۇرۋى ءتيىس ىزگى وي دەپ بىلەمىن.

 

دامەل قالاي دامىدى؟

ءبىزدىڭ كەلەسى كەيىپكەرىمىز – دامەل مەكتەپباەۆا. بالا كەزىنەن بيولوگ بولۋدى ارمانداعان بويجەتكەن تۇپكى ماقساتىنا «بولاشاق» باعدارلاماسى ارقىلى جەتكەن. استانا مەديتسينالىق ۋنيۆەرسيتەتىن بىتىرگەن ول 2005 جىلى اقش-تاعى ين­ديانا ۋنيۆەرسيتەتىنە ءتۇسىپ، بيوتەحنولوگ-حيميك دەگەن ماماندىقتى ۇزدىك وقۋ ورنىنان يگەرىپ شىقتى. العان ءبىلىمىن ەلگە قايتارۋ ءۇشىن دامەل ەلى­مىزدە ەن­دى عانا اشىلعان نازارباەۆ ۋني­ۆەر­س­يتەتىنە كەلىپ، عىلىم جولىنا ءتۇس­تى. تەرەڭ ءبىلىمىنىڭ ناتيجەسىمەن NASA-دا تاجىريبە الماسقان العاشقى قازاق­ستان­دىق عالىم اتاندى. ونىڭ كومانداسى جا­ساعان ستارتاپ جوبالار كورەياداعى Google-D.CAMP Prize، فرانتسياداعى Hello Tomorrow Challenge، پەرۋدەگى Star­tup Mexico، Startup Chile، Startup سەكىلدى كونكۋرستاردا جۇلدەلەرگە يە بول­­عان. «مەنى قازىر شەتەلدە جاقسى قىز­مەت­تەر كۇتىپ تۇر. الايدا مەن ءىلىم-ءبىلى­مىم­دى قازاقستاندا قولدانعانىمدى ءجون كورەمىن جانە مەملەكەتتىڭ دە مەن سەكىلدى مامانداردى قولداعانىن قالايمىن»، دەيدى دامەل.

پ

دامەلدىڭ ەلسۇيگىشتىگى مەن ەڭ­بەك­قور­­لىعىنا ءتانتىمىن. قانشاما حا­لىق­­ارالىق گرانتتاردى ۇتىپ الدى، قان­شا زەرتحانالىق زەرتتەۋلەر جاسادى، عىلىم­نىڭ قازانىندا قايناپ جۇرگەنىن عانا قاناعات قىلماي، ەرىكتى تۇردە جاستارعا، ايماقتارداعى جاندارعا كەڭەستەر بەرە­دى، دارىستەر وقيدى. ياعني ءوز-ءوزىن دامى­تىپ، وزگەگە دە قولۇشىن سوزۋدى ۇمىت­پايدى. بۇگىندە دامەل بويداعى ءبىلىمىن باسقالارمەن ءبولىسۋ ءۇشىن وڭىرگە اتتانىپ، سولتۇستىك قازاقستانداعى Kosybayev University-ءدىڭ يننوۆاتسيالار، ينتەرناتسيونالداندىرۋ جانە ترانسفورماتسيا ماسە­لەلەرى جونىندەگى باسقارما مۇشەسى بولىپ قىزمەت اتقارادى.

مىنە، قازاقستاندىقتاردىڭ كوپشىلىگى ءۇشىن «بولاشاق» ستيپەندياسى، اسىرەسە، مەملەكەتتىك قولداۋدىڭ كومەگىمەن الەم­­نىڭ ۇزدىك جوعارى وقۋ ورىندارىندا ساپا­لى ءبىلىم الا العان كوپبالالى وتباسى­لاردان جانە اۋىلدىق جەرلەردەن شىققان ادامدار ءۇشىن ناقتى الەۋمەتتىك «ليفتىگە» اينالدى.

 

سان مەن ساپا

ساپانى انىقتاۋ ءۇشىن سانعا جۇگى­نەيىك. «بولاشاق» باعدارلاماسى تۇلەك­تەرىنىڭ ەل ەكونوميكاسىنا قوسقان ۇلە­سىن تەرەڭىرەك زەرتتەۋ ءۇشىن Bolashaq Impact Report-1 اتتى عىلىم-زەرتتەۋ جۇر­گىزدىك. زەرتتەۋ ناتيجەلەرى بويىنشا جۇ­مىس بەرۋشىلەردىڭ 90%-ى باعدارلاما تۇلەك­تەرىنىڭ كاسىبي بىلىكتىلىگىن جوعارى باعا­لاپ، سونىمەن قاتار تۇلەكتەردىڭ كوش­­باسشىلىق، ادامگەرشىلىك جانە كوم­مۋ­نيكاتيۆتىك قاسيەتتەرىن ەرەكشە اتاپ ءوتتى.

قاراڭىز، بۇگىندە 11 مىڭنان اسا تۇلەك­تىڭ 52%-ى ورتا جانە توپ-مەنەدجەرگە دەيىن وسكەن. ونىڭ ىشىندە 10%-ى – ءوز كومپانيالارى مەن ستارتاپتارىنىڭ نەگىزىن قالاۋشى باسقارۋشىلار. تۇلەك­تەر دەنساۋلىق ساقتاۋ، ادامي كاپيتال­دى دامىتۋ، مەملەكەتتىك باسقارۋ، يننو­ۆاتسيا­لاردى ەنگىزۋ جانە بيزنەس پرو­تسەستەردى وڭتايلاندىرۋ، مادەنيەت پەن ونەردى ىلگەرىلەتۋدە تەر توگىپ، قوعامدىق باستامالاردىڭ باسىندا ءجۇر.

زەرتتەۋگە سايكەس، تەك ءبىر جىلدىڭ ىشىن­دە 545 دارىگەر تۇلەگىمىز 213 مىڭ كۇردەلىلىگى ءارتۇرلى وپەراتسيا جاسادى، ال پەداگوگ-وقىتۋشى تۇلەكتەرىمىز 145 مىڭ مەكتەپ وقۋشىسى مەن ستۋدەنتىن وقىت­تى. پروفەسسور اتاعى بار 150 تۇلەك مىڭنان اسا عىلىمي ماقالاسىن الەمنىڭ الدىڭعى قاتارداعى عىلىمي باسىلىمدارىندا جاريالادى. ونەر سالاسىنداعى ساناۋلى تۇلەك 5 مىڭ كونتسەرت ۇيىمداستىردى، وسىعان قوسا 100 مىڭنان اسا جوعارى سىنىپتاعى مەكتەپ وقۋشىسىنا تالىمگەر بولدى. بىلە بىلگەنگە بۇل – ۇلكەن ناتيجە!

 

وزگەرىستەر مەن وزگە ىستەر

ءسوز باسىندا ءوز باسىمنان مىسال كەل­تىرگەنىمدەي، «بولاشاق» كوپ قاراپايىم جاستىڭ جولىن اشتى. ونىڭ ىشىندە ءوزىم دە بار ەكەنىمدى جوعارىدا ايتتىم. اتالعان 28 جىل ىشىندە «بولاشاق» باعدارلاماسى ساپا جاعىنان كوپ وزگەرىسكە ءتۇستى. 28 جىل ىشىندە «بولاشاق» حالىقارالىق باعدارلاماسى ەلدىڭ ستراتەگيالىق با­سىم­دىقتارىنا نەگىزدەلە وتىرىپ، ساپالى ترانسفورماتسيادان ءوتتى، ستيپەنديا تاعايىنداۋدىڭ اشىقتىعى ارتتى جانە كونكۋرستىق ىرىكتەۋ تولىعىمەن اۆتوماتتاندىرىلدى.

اتاپ ايتقاندا، 2020 جىلى ۇكىمەت قاۋلىسىمەن ستيپەندياعا ۇمىتكەرلەردى ىرىك­تەۋدىڭ جاڭا ەرەجەسى قابىلداندى. الەم­دەگى ۇزدىك جوعارى وقۋ ورىندارى­نىڭ ءتى­زىمى ءتۇزىلىپ، باسىم ماماندىقتار تىز­­بەسىن جاساقتاۋ تالاپتارى وزگەردى. ۇمىت­­كەرلەردى ىرىكتەۋ كەزەڭى 6-دان 3-كە دە­­يىن قىس­قارىپ، تاۋەلسىز ساراپتاما كوميس­سياسىنا قويىلار تالاپ تا كۇشەيتىلدى. بار­لىق كۆوتالىق ۇمىتكەر ساناتتارى جويى­لىپ، سول ارقىلى كونكۋرستىق ىرىك­تەۋ با­رى­سىندا تەڭ مۇمكىندىكتەرگە جول اشىلدى.

باسا ايتا كەتەتىن نارسە، باعدارلاما شەڭبەرىندە اۋىل جاستارىنا جەڭىل­دىكتەر ۇسىنىلىپ وتىر. اۋىلدىق ەلدى مەكەندەردەن ۇمىتكەرلەر كونكۋرسقا اۋىل­دىق ەلدى مەكەندەردە سوڭعى 3 جىل ىشىندە تۇرعان جانە سوڭعى 2 جىل ىشىن­دە ەڭبەك قىز­مەتىن جۇزەگە اسىرعان جاع­دايدا قاتى­سا الادى. وسىنى ەسكەرۋ كەرەك. سون­داي-اق اۋىلدىق ەلدى مەكەندەردەن ۇمىت­كەرلەر ءۇشىن باكالاۆر نەمەسە مامان ديپ­لومىنىڭ ورتاشا بالىنىڭ كەمىندە 2.67 (4.0/4.33-تەن) GPA بالى­نا سايكەستىگى تالاپ ەتىلەدى. الايدا «اۋىل» ساناتىنا جاتاتىن ۇمىتكەرلەرگە شەتەلدىك جوو-دان كونكۋرسقا شارتسىز شاقىرۋ ۇسىنۋ تالاپ ەتىلمەيتىنىن اتاپ وتكەن ءجون. ولار­دى ورنالاستىرۋ­مەن «حالىقارالىق باعدار­لامالار ورتا­لىعى» اق اينالىسادى.

اۋىلدان شىققان جاستار ستيپەندياعا يە بولعاننان كەيىن اعىلشىن تىلىنەن تىلدىك دايىندىق كۋرستارىنان وتەدى. تىلدىك دايىندىق مەرزىمى قازاقستاننىڭ اۋماعىندا 6 ايعا دەيىن، British Council سەكىلدى بەدەلدى ۇيىمدا وتكىزىلەدى.

ەڭ باستىسى، 2020 جىلدان باستاپ «بو­لاشاق» ستيپەندياسىنا قۇجات قابىلداۋ مەن كونكۋرستىق راسىمدەر تولىعىمەن اۆتوماتتاندىرىلىپ، تسيفرلى جۇيەگە كوشتى. بۇل – جەمقورلىق تاۋەكەلدەرىنىڭ الدىن الۋ جولىنداعى ماڭىزدى باستاما.

بۇعان قوسا پرەزيدەنت قاسىم-جو­مارت توقاەۆتىڭ پارمەنىمەن جىلىنا 500 عالىمدى «بولاشاق» باعدار­لا­ماسى ارقىلى الەمنىڭ جەتەكشى ۋنيۆەر­سيتەتتەرى مەن عىلىمي ورتالىقتارىندا تاعىلىمدامادان وتۋگە جىبەرۋ ۇدەرىسى ءجۇرىپ جاتىر. بۇل – ۇلكەن مۇمكىندىك.

«بولاشاق» باعدارلاماسى – ەل تاۋەل­سىزدىگىنىڭ ەڭ ءىرى جوبالارىنىڭ ءبىرى. سو­ناۋ قيىن-قىستاۋ زامان – 1993 جىل­­دىڭ وزىندە-اق ەلباسىمىز «بولاشاق» ­باع­دارلاماسىن قۇرىپ، سول ارقىلى قا­زىر قان­شاما تۇلەك ەلدىڭ يگىلىگىنە قىزمەت ەتىپ جاتىر. تاۋەلسىز قازاقستاننىڭ ادامي كاپيتالدى دامىتۋداعى ەڭ ءساتتى دە مىقتى ستارتابى «بولاشاق» دەسەم ەش ارتىق ەمەس. باعدارلامانىڭ ءارى قاراي دا جەمىستى بولۋى ءۇشىن ايانباي ەڭبەك ەتە بەرەمىز. بۇل دا ءبىزدىڭ تاۋەلسىزدىككە قوسقان ۇلەسىمىز بولىپ قالا بەرمەك.

 

اينۇر كارىبوزوۆا،

«بولاشاق» حالىقارالىق ستيپەندياسىنىڭ اكىمشىسى –

«حالىقارالىق باعدارلامالار ورتالىعى» اق پرەزيدەنتى

سوڭعى جاڭالىقتار

9 پوليتسيا قىزمەتكەرى كوز جۇمدى

ايماقتار • بۇگىن، 13:05

سامات ءابىش قىزمەتىنەن بوساتىلدى

قازاقستان • بۇگىن، 12:30

دوللار ارزاندادى

قارجى • بۇگىن، 12:05

ايدوس رەيتينگتە تومەن قۇلدىرادى

كاسىپقوي بوكس • بۇگىن، 11:58

«كانەلو» قارسىلاس تاڭدادى

كاسىپقوي بوكس • بۇگىن، 10:00

ق ۇلىباەۆ قىزمەتىنەن كەتتى

قوعام • بۇگىن، 09:20

قىرعىزعا قارسى شىعادى

بوكس • بۇگىن، 09:00

فاتيما حانىمنىڭ كويلەگى

تاريح • بۇگىن، 08:59

ۆاگنەر لاۆ دانيادا وينايدى

فۋتبول • بۇگىن، 08:57

مىقتىلار مەلبۋرندە باس قوستى

تەننيس • بۇگىن، 08:51

ۇقساس جاڭالىقتار