مەملەكەت باسشىسىنىڭ «حالىق ۇنىنە قۇلاق اساتىن مەملەكەت» تۇجىرىمداماسى نەگىزىندە قالا اكىمى مۇرات اي̆تەنوۆتىڭ قولداۋىمەن وتكەن جىلى شىمكەنت قالاسىنىڭ سيتۋاتسيالىق «iKomek» ورتالىعى قۇرىلعان بولاتىن.
@ikomek109.shymkent ورتالىعى باسقارمالار, اۋدان اكىمدىكتەرى مەن كوممۋنالدىق كاسىپورىنداردىڭ باي̆لانىس ورتالىقتارىن بىرىكتىرەتىن جانە 24/7 تارتىبىندە جۇمىس جاساي̆تىن جالعىز ورتالىق. ول جەرگىلىكتى تۇرعىنداردىڭ وتىنىشتەرىن قابىلداۋ, ورىن العان جاي̆تتاردى, اپاتتاردى, كوممۋنالدىق جانە جەدەل قىزمەتتەر جۇمىسىن ۇي̆لەستىرۋگە باعىتتالعان. مۇندا بارلىق وتىنىشتەر وڭدەلىپ, تىركەلىپ, ارناي̆ى تىزىمگە ەنگىزىلەدى.
«iKomek» ورتالىعىنا ءبىر جارىم جىل ىشىندە 230 904 ارىز-شاعىم كەلىپ تۇسكەن. 228 582 ءوتىنىش ورىندالعان, 1580 ءوتىنىش قارالۋدا. ولاردىڭ اراسىندا ءتۇرلى سەبەپتەرمەن, مەرزىمى وتكەندەر دە كەزدەسەدى.
جينالىستا شاھار باسشىسى تۇرعىنداردىڭ «109» ورتالىققا حابارلاسقانى اكىمدىككە دەگەن سەنىمدەرىنىڭ بەلگىسى, سەنىمدى اقتاۋ ءۇشىن تىڭعىلىقتى جۇمىس جاساۋ قاجەتتىگىن باسا ايتتى.
«ورتالىق حالىقپەن كەرى بايلانىس ورناتۋدىڭ ءتيىمدى قۇرالى رەتىندە ارنايى اشىلدى. قالامىزدا ءتۇرلى ماسەلەنىڭ بارى انىق. ازاماتتار سونى بىزگە جەتكىزۋ ءۇشىن 109-عا حابارلاسادى. كەلىپ تۇسكەن ءاربىر ارىز-شاعىم تىكەلەي مەنىڭ باقىلاۋىمدا. مەرزىمى كەشىكتىرىلگەن ماسەلەگە جاۋاپتى مامان قاتاڭ جاۋاپكەرشىلىككە تارتىلاتىنىن ەسكەرتەمىن. كەلىپ تۇسكەن شاعىمدار ارقىلى سالالاردىڭ وسال تۇستارىن كورۋگە بولادى, سول ارقىلى اي سايىن باسقارما جانە اكىمدىكتەردىڭ رەيتينگىسى جۇرەدى. سوندىقتان جۇمىسىمىزدى جاۋاپكەرشىلىكپەن اتقارايىق. ماسەلەگە مەنىڭ قۇزىرىما كىرمەيدى دەپ ەمەس, بىرلەسە شەشەيىك دەپ قاراۋ قاجەت», دەدى اكىم.
