وقيعا • 30 قاراشا، 2021

تەمىرتاۋدا ۇرىلار زەينەتكەردىڭ 3 ميلليون تەڭگەسىن ۇرلاپ كەتكەن

89 رەت كورسەتىلدى

تەمىرتاۋدا ۇرىلار زەينەتكەردىڭ ءۇش ميلليون تەڭگەسىن ۇرلاپ كەتكەن، دەپ حابارلايدى Egemen.kz.

بۇل تۋرالى Polisia.kz سايتى مالىمدەدى.

قالا پوليتسياسىنا 87 جاستاعى كەيۋانانىڭ ءوزى حابارلاسىپ، ونىڭ ەكى ميلليون 732 مىڭ تەڭگە اقشاسىن بەلگىسىز بىرەۋلەر ۇرلاپ كەتكەنىن ايتقان.

پوليتسيانىڭ مالىمەتىنشە، اجەيدىڭ پاتەرىنە سۋمەن جابدىقتاۋ مەكەمەسىنىڭ قىزمەتكەرىمىز دەپ ەكى ەر ادام كەلگەن. ولار سۋ سۇزگىسىن تەگىن اۋىستىراتىنىن ايتقان.

جابىرلەنۋشى «جۇمىسشىلاردى» پاتەرىنە كىرگىزگەن. ولار كەتكەننەن كەيىن اجەي جيناعان اقشاسىنىڭ جوعالعانىن بىلگەن.

28 قاراشادا كريمينالدىق پوليتسيا قىزمەتكەرلەرى نۇر-سۇلتان قالاسىنىڭ 21 جانە 33 جاستاعى ەكى تۇرعىنىن ۇستادى. كۇدىكتىلەر كىناسىن مويىندادى. اتالعان فاكتى نەگىزىندە پوليتسەيلەر قازاقستان قىلمىستىق كودەكسىنىڭ 188-بابى «ۇرلىق» بويىنشا قىلمىستىق ءىس قوزعادى.

تەرگەۋ امالدارى جۇرگىزىلىپ جاتىر.

 

سوڭعى جاڭالىقتار

ۇقساس جاڭالىقتار