العاشقى ەكى كەزەڭدى تاماشا وتكىزىپ, جۇلدەگەرلەر قاتارىنان كورىنگەن مادىعالي قارسىبەكوۆ شاكىرتتەرى كەيىنگى كەزەڭدەردە ءوز مىقتىلىقتارىن دالەلدەي المادى. دوردرەحتتەگى دودادا باق سىناعان قازاقستاندىق سپورتشىلاردىڭ بىردە-بىرەۋى فينالعا شىعا المادى.
500 مەتر قاشىقتىق بويىنشا باق سىناعان دەنيس نيكيشا مەن ءادىل عالياحمەتوۆ شيرەك فينالدا ءسۇرىندى. ال كوماندا ليدەرى بولعان ابزال اجىعاليەۆ جارتىلاي فينالدان كەيىن جارىستان شىعىپ قالدى. سونداي-اق 5000 مەترگە جارىسۋدان ەستافەتاعا قاتىسقان قازاقستان ەرلەر قۇراماسى دا فينالدان تىس قالدى.
