قالا اكىمدىگى ءمالىم ەتكەندەي, جالپى كوماندالىق ەسەپ بويىنشا, قازاقستان قورجىنىندا – 52, تاجىكستاندا – 9, وزبەكستاندا – 16, قىرعىزستاندا 1 مەدال بار.
«Qazaqstan» جەڭىل اتلەتيكا سپورت كەشەنىندە ەكى كۇن بويى وتكەن جارىسقا بارلىعى 155 سپورتشى قاتىستى. ەل نامىسىن نۇر-سۇلتان, الماتى قالالارىنىڭ, شىعىس قازاقستان, سولتۇستىك قازاقستان, اقمولا, قاراعاندى وبلىستارىنان يۋنيورلار قورعادى.
ولار جەڭىل اتلەتيكانىڭ بىرقاتار ديستسيپليناسىندا سىنعا ءتۇستى: 60 مەترگە جۇگىرۋ, 60 مەترگە كەدەرگىمەن جۇگىرۋ, 200, 400, 800, 1500, 3000 مەترگە جۇگىرۋ, 3 000 مەترگە سپورتتىق ءجۇرىس, يادرو لاقتىرۋ, بيىكتىككە سەكىرۋ, ۇزىندىققا سەكىرۋ, ءۇش قارعىپ سەكىرۋ, ەستافەتالىق 4ح200 مەتر, 12 جەكە ءتۇر + 1 ەستافەتا جانە 4ح200 مەترگە ارالاس ەستافەتا.
