Pfizer جانە Biotech كومپانيالارى شامامەن 100 كۇن ىشىندە جاڭا نۇسقاعا قارسى ارنايى بەيىمدەلگەن ۆاكتسينا جاساۋعا جانە شىعارۋعا دايىن ەكەنىن ايتتى.
«سپۋتنيك V» جاساپ شىعارعان گامالەي اتىنداعى ماسكەۋ ورتالىعىنىڭ باسشىسى الەكساندر گينتسبۋرگ ينتەرفاكسقا رەسەيلىك عالىمدار ۆاكتسينالارىن جاڭا نۇسقاعا بەيىمدەۋگە دايىن ەكەنىن ايتتى. ونىڭ ايتۋىنشا, الدىمەن ورتالىق وسى مۋتاتسيا ءۇشىن بۇرىننان بار پرەپاراتتىڭ تيىمدىلىگىن تەكسەرەدى.
«ونداي موديفيكاتسيا جاساۋعا بولادى. ۆاكتسينانى تۇلەندىرۋ تەز جۇزەگە اسىرىلادى, الايدا ونىڭ تيىمدىلىگىن ۆيرۋستى بەيتاراپتاندىرۋ قابىلەتىن انىقتاعاننان كەيىن عانا بىلە الامىز», دەدى ول.
سونداي-اق, گينتسبۋرگ گامالەي اتىنداعى ورتالىق «دەلتا» نۇسقاسى شىققاننان كەيىن «سپۋتنيك V» ۆاكتسيناسىن تۇرلەندىرمەگەنىن ەسكە سالدى. سەبەبى, ەكپە «83-85-90%-عا» ءتيىمدى بولىپ شىقتى.
تاعى ءبىر ۆاكتسينا ءوندىرۋشى - مoderna فيرماسى بىلاي دەدى: «2021 جىلدىڭ باسىنان باستاپ Moderna-نىڭ جاڭا شتاممدارعا باعىتتالعان مۇقيات ويلاستىرىلعان ستراتەگياسى بار».
ەسكە سالا كەتسەك, وڭتۇستىك افريكا رەسپۋبليكاسىندا كوروناۆيرۋستىڭ جاڭا مۋتاتسياسى انىقتالعان ەدى. بۇل نۇسقا بۇرىنعىلارعا قاراعاندا الدەقايدا جۇقپالى جانە ۆاكتسينالاردىڭ وعان اسەرى ءتيىمسىز بولۋى مۇمكىن ەكەندىگى ايتىلدى. كوروناۆيرۋستىڭ بۇنداي جاڭا شتامىنا «وميكرون» دەگەن اتاۋ بەرىلدى.
