“جەڭىس” كەمەسى سۋعا ءتۇسىرىلدى

تاياۋدا “ورال “زەنيت” زاۋىتى” اق جاساپ شى­عار­عان كەزەكتى كەمەنىڭ شاعان وزەنىنە ءتۇسىرىلۋ ءراسىمى بولدى. وعان “جەڭىس” اتاۋى­نىڭ بەرىلۋى دە تەگىن ەمەس. بيىل ەلى­مىز­دە ۇلى جەڭىستىڭ 65 جىلدىعى كەڭىنەن توي­لانىپ وتىر. ەكىن­شى­دەن, بۇل – ىرگەسى سوناۋ سوعىس جىلدارى قالان­عان “زە­نيت” زاۋىتى ۇجىمىنىڭ كەزەك­تى تابىسى, ياعني “بارىس” سە­ريا­­سى­مەن جاسالعان ءۇشىنشى ۇشقىر كەمە. قورعانىستىق ماق­ساتتا قۇرىل­عان اتالمىش زاۋىتتىڭ ۇلى جەڭىسكە قوسقان ۇلەسى از ەمەس. سول ءۇشىن كە­زىن­دە ءى-دارەجەلى وتان سوعىسى ور­دە­نىمەن دە ماراپاتتال­عان. سونى­مەن قاتار زاۋىت ەلىمىز تاۋەلسىز­دىك­كە قول جەتكىزگەننەن بەرى كەمە شىعارۋعا ماماندانىپ كەلەدى. كەمەلەردىڭ الدى كاسپي تە­ڭى­زىندە ەل شەكا­را­­سىن كۇ­زەتۋدە قىز­مەت ات­قارىپ تا ءجۇر. مۇنى سال­تا­نات­تى ءرا­سىمگە قاتىسقان وبلىس اكىمى باق­تىقوجا ءىزمۇحام­بەتوۆ اتاپ ءوتتى. سون­داي-اق قر ۇقك شەكارا قى­ز­مەتى باس­شى­سى, گەنەرال-ما­يور بو­لات قىر­عىز­­باەۆ­تىڭ ءما­لىم ەتكەنىندەي, ورال­دا جاسالعان كا­تەر­لەردىڭ ارقا­سىندا 200-دەن اسا شەكارا بۇزۋشى ۇستالعان. 2015 جىلعا دەيىن زاۋىتتا تاعى دا بەس ۇلكەندى-كىشىلى كاتەر قۇراستىرۋ جوسپارلانىپ وتىر. دەمەك, كەمە قۇراستىرۋ ءىسى دامي بەرمەك. تەمىر قۇسايىن.