جەكپە-جەك فيلادەلفياداعى بوكس كەشى اياسىندا ءتورت راۋندقا جوسپارلانعان. رايىمقۇلوۆتىڭ قارسىلاسى امەريكالىق كاريم گلەدني (0-4) بولدى. ايقاس تورەشىلەردىڭ ءبىراۋىز شەشىمىمەن قازاقستاندىقتىڭ جەڭىسىمەن اياقتالدى. بۇل رايىمقۇلوۆتىڭ كاسىبي بوكستاعى ءتورتىنشى جەڭىسى, ال گلەدني بەسىنشى رەت جەڭىلىس تاپتى.
ەسكە سالساق, تەمىرلان 10 قازاندا اقش-تا دەبيۋت جاسادى – فيلادەلفيادا ايقاس وتكىزىپ, تورەشىلەردىڭ ءبىراۋىز شەشىمىمەن امەريكالىق دجادون ەرۆيندى (1-1, 0 كو) جەڭدى. بۇعان دەيىن ول وتانىندا جانە رەسەيدە بوكستاسقان.
ايتا كەتسەك, تەمىرلان رايىمقۇلوۆ باسقا وتانداستارى, گەننادي گولوۆكين (41-1-1, 36 كو) مەن جانىبەك الىمحان ۇلىمەن (10-0, 6 كو) ءبىر سالماقتا ونەر كورسەتەدى.
