«قازىرگى ۋاقىتتا قر تۇڭعىش پرەزيدەنتى – ەلباسى نۇرسۇلتان نازارباەۆتىڭ 2018 جىلعى 12 تامىزداعى ماڭعىستاۋ وبلىسىنا ساپارى بارىسىندا بەرگەن تاپسىرماسىنا سايكەس كاسپي تەڭىزىنىڭ جاعالاۋى بويىنشا اقتاۋ قالاسىنان قۇرىق پورتىنا دەيىنگى كۋرورتتىق ايماقتى دامىتۋ ءۇشىن بىرقاتار ينفراقۇرىلىمدىق جوبالار, ونىڭ ىشىندە ەلەكترمەن, سۋمەن, گازبەن جابدىقتاۋ جانە اۆتوجولداردى سالۋ جانە رەكونسترۋكتسيالاۋ بويىنشا بىرقاتار ينفراقۇرىلىمدىق جوبالار ىسكە اسىرىلۋدا», دەدى اسقار مامين جاۋابىندا.
ۇكىمەت باسشىسىنىڭ اتاپ وتۋىنشە, قازاقستان رەسپۋبليكاسىنىڭ تۋريزم سالاسىن دامىتۋدىڭ 2019-2025 جىلدارعا ارنالعان مەملەكەتتىك باعدارلاماسى اياسىندا ماڭعىستاۋ وبلىسى رەسپۋبليكانىڭ پەرسپەكتيۆالى تۋريستىك ايماقتارىنىڭ توپ-10 قاتارىنا كىردى.
«2020 جىلى ماڭعىستاۋ وبلىسىنىڭ ورنالاستىرۋ ورىندارى 160 مىڭ ادامدى قابىلدادى. تۋريزم سالاسىنا 71,8 ملرد تەڭگە ينۆەستيتسيا تارتىلدى (2019 جىلمەن سالىستىرعاندا 3,1 ەسە ءوستى) جانە 4,3 ملرد تەڭگەگە ورنالاستىرۋ ورىندارى قىزمەت كورسەتتى. جالپى, وڭىردەگى تۋريزم سالاسى بويىنشا 2021-2025 جىلدار كەزەڭىندە سوماسى 300 ملرد تەڭگەدەن اساتىن 13 جوبانى ىسكە اسىرۋ جوسپارلانعان», دەدى پرەمەر-مينيستر.
