تەننيس • 27 قاراشا، 2021

دەۆيس كۋبوگى: قازاقستاندىق سپورتشى قارسىلاسىنا ەسە جىبەردى

24 رەت كورسەتىلدى

مادريدتە ءوتىپ جاتقان دەۆيس كۋبوگى فينالدىق كەزەڭىنىڭ توپتىق باسەكەسىندە قازاقستان مەن شۆەتسيا كەزدەستى، دەپ حابارلايدى Egemen.kz.

مادريد كورتىنا قازاقستاننان دۇنيەجۇزىلىك رەيتينگتە 183-ساتىدا تۇرعان ميحايل كۋكۋشكين مەن شۆەتسيادان الەمنىڭ 171-راكەتكاسى ەلياس يمەر شىقتى.

ءبىرىنشى پارتيادا شۆەتسيالىق تەننيسشى 3:0 ەسەبىمەن العا شىقتى. ول ءوزىنىڭ باسىمدىلىعىن ساقتاپ، سەتتى جەڭىسپەن اياقتادى.

ەكىنشى سەتتە ەلياس يمەر العا وزسا دا، ميحايل كۋكۋشكين تارازى باسىن تەڭەستىردى. ەسەپ - 4:4. سودان كەيىن يمەر تاعى ءبىر برەيك جاسادى، كۋكۋشكين دە ودان قالىسپادى – 6:6. بىراق تاي-برەيكتە يمەردىڭ جولى بولىپ، ەسەپ – 7:6 (7:4) بولىپ وزگەردى. ناتيجەسىندە، يمەر 9 ەيس جاساپ، 6 برەيك-پوينتتىڭ تورتەۋىن ءساتتى پايدالاندى. كۋكۋشكين بولسا 1 ەيس، 3 برەيكتەن (4 برەيك-پوينت) اسا المادى.

تارتىستى ويىن 1 ساعات 52 مينۋتقا سوزىلدى.

ەكىنشى باسەكەدە قازاقستاننىڭ ءبىرىنشى، الەمنىڭ 36-راكەتكاسى الەكساندر بۋبليك پەن رەيتينگتە 93-ساتىداعى ميكاەل يمەر كۇش سىناسادى. سودان كەيىن جۇپتىق سىندا اندرەي گولۋبەۆ پەن الەكساندر نەدوۆەسوۆكە اندرە گورانسسو مەن روبەرت ليندستەدت قارسى تۇرادى.

سوڭعى جاڭالىقتار

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

دوللار باعاسى ارزاندادى

ەكونوميكا • بۇگىن، 11:32

ۇقساس جاڭالىقتار