«پاندەمياعا بايلانىستى قاشىقتىقتان وقىتۋ الەمنىڭ بارلىق ەلدەرىندە دە ءبىلىم بەرۋ پروتسەسىنىڭ نەگىزگى ادىسىنە اينالدى. قازاقستاندا ءبىلىم بەرۋ ۇيىمدارىنا مەكتەپ وقۋشىلارى ءۇشىن 220 مىڭنان استام كومپيۋتەرلىك تەحنيكا ساتىپ الىندى. اگەنتتىك بيۋدجەت قاراجاتى جىمقىرىلعان مەملەكەتتىك ساتىپ الۋدى جۇرگىزۋ كەزىندە بۇزۋشىلىق دەرەكتەرىن انىقتادى. اگەنتتىكتىڭ تۇركىستان وبلىسى بويىنشا اۋماقتىق دەپارتامەنتى «مت-سەرۆيس» جشس باسشىسىنا جانە وبلىس اكىمدىگىنىڭ ادام الەۋەتىن دامىتۋ باسقارماسىنىڭ لاۋازىمدى تۇلعالارىن قاتىستى بيۋدجەت قاراجاتىن جىمقىرۋ دەرەگى بويىنشا قىلمىستىق ءىستى تەرگەۋدە», دەپ حابارلادى اگەنتتىكتىڭ ءباسپاسوز قىزمەتىنەن.
اتاپ ايتقاندا, مەملەكەت «2020-2025 جىلدارعا ارنالعان قر ءبىلىم جانە عىلىمدى دامىتۋدىڭ» باعدارلاماسى اياسىندا كوروناۆيرۋستىق ينفەكتسيا پاندەمياسى كەزەڭىندە وقۋشىلاردى قاشىقتىقتان وقىتۋ ءۇشىن نوۋتبۋكتەر ساتىپ الۋعا اقشالاي قاراجات ءبولدى.
«مت-سەرۆيس» جشس ديرەكتورى تۇركىستان وبلىسى اكىمدىگىنىڭ «ادام الەۋەتىن دامىتۋ باسقارماسى» مم-مەن 3,4 ملرد.تەڭگەدەن استام سوماعا 21 مىڭ دانا نوۋتبۋك جەتكىزۋگە شارت جاساستى. الايدا, 2,5 ملرد تەڭگەدەن استام سوماعا جەتكىزىلگەن تاۋارلار تاپسىرىس بەرۋشىنىڭ تەحنيكالىق ەرەكشەلىكتەرىنە سايكەس كەلمەگەن.
قازىرگى ۋاقىتتا كاسىپورىن ديرەكتورى قپك-نىڭ 128-بابى تارتىبىندە ۇستالدى جانە وعان قاتىستى تەرگەۋ سوتى «قاماۋدا ۇستاۋ» بۇلتارتپاۋ شاراسىن قولداندى.
سوتقا دەيىنگى تەرگەۋ جالعاسۋدا
