ۇلى جەڭىسكە مىڭ تاعزىم!

ماڭگىلىك الاۋ. وشپەس داڭق! كەشە مەملەكەت باسشىسى نۇرسۇلتان نازارباەۆ 7 مامىر – وتان قورعاۋشىلار كۇنىنە جانە ۇلى جەڭىستىڭ 65 جىلدىعى قۇرمەتىنە وراي “وتان قورعاۋشىلار” مونۋمەنتىنە گۇل شوعىن قويدى. گۇل شوعىن قويۋ راسىمىنەن كەيىن جينالعان قاۋىم بەيبىتشىلىك پەن ءوز ەلىنىڭ ەرتەڭى ءۇشىن كەۋدەسىن وت پەن وققا توسىپ, سۇراپىل سوعىستا قازا تاپقان قازاقستاندىق جاۋىنگەر­لەر­دى ءبىر ءمينوت ۇنسىزدىكپەن ەسكە الدى. ودان سوڭ ەلىمىزدىڭ مەملەكەتتىك ءان­ۇرانى وينالدى. سالتاناتتى شارا رەسپۋبليكالىق ۇلان ساربازدارى­نىڭ ەل پرەزيدەنتى – قازاقستان قا­رۋلى كۇشتەرىنىڭ جوعارعى باس قولباسشىسى نۇرسۇلتان نازارباەۆ­تىڭ الدىندا سالتاناتتى شەرۋ جاساپ وتۋىمەن ءارى قاراي جالعاستى. “وتان قورعاۋشىلار” مونۋمەنتى ورىن تەپكەن الاڭعا سوعىس اردا­گەرلەرى مەن اسكەري قىزمەتشىلەر دە, قالا تۇرعىندارى مەن قوناقتار دا كوپ جينالعان ەكەن. سالتاناتتى راسىمنەن سوڭ, ەلباسى ارداگەر اعا-اتالارىمىزبەن, سونداي-اق جينال­عان قاۋىممەن ەمەن-جارقىن امان­داسىپ, ولاردىڭ اراسىندا شامالى كىدىرىس جاسادى. سالتاناتتى شارا اياقتالعاننان كەيىن “حالىق قاھارمانى”, گەنە­رال-لەيتەنانت باقىتجان ەرتاەۆپەن از-كەم سۇحباتتاسقان ەدىك. “بۇگىن قا­زاقستان قارۋلى كۇشتەرىنىڭ قۇ­رىلعانىنا 18 جىل تولىپ وتىر, – دەدى باقىتجان ەرتاەۆ. – ەندى ەكى كۇننەن سوڭ ۇلى جەڭىسكە 65 جىل تولادى. بىزدەرگە بەيبىتشىلىك سىي­لا­عان سوعىس ارداگەرلەرىنە, قان ماي­داندا مەرت بولعان جاۋىنگەرلەر ارۋاعىنا باسىمدى يەمىن. قازاقتىڭ ەرجۇرەك ۇلت ەكەنىن سوعىس كەزىندە اتا-اپالارىمىز وزدەرىنىڭ جان­قيار­لىق ەرلىكتەرىمەن دالەلدەدى. ءوز ەلى مەن جەرىن قورعاپ, وتانىنا ادال قىزمەت ەتۋ – ءار جاۋىنگەردىڭ ازاماتتىق بورىشى, مىندەتى. ءبىزدىڭ قارۋلى كۇشتەرىمىز بۇگىندە سول ۇدەدەن شىعىپ كەلەدى”. سالتاناتتى راسىمگە پارلامەنت سەناتىنىڭ توراعاسى ق.توقاەۆ, پارلامەنت ءماجىلىسىنىڭ توراعاسى و.مۇحامەدجانوۆ, پرەمەر-مي­نيستر ك.ءماسىموۆ, پرەزيدەنت اكىم­شىلىگىنىڭ باسشىسى ا.مۋسين, “نۇر وتان” حدپ توراعاسىنىڭ ءبىرىنشى ورىنباسارى ن.نىع­ماتۋلين, سون­داي-اق ۇكىمەت ءمۇ­شەلەرى مەن وزگە دە رەسمي ادامدار قاتىستى. ءاليسۇلتان قۇلانباي.