«بارىستىڭ» بيىلعى ءتۋرنيردىڭ سوڭعى التى كەزدەسۋىنىڭ ەكەۋىندە جولى بولدى, قالعانىندا قارسىلاستارىنا ەسە جىبەرىپ قويدى.
سوندىقتان ەلوردالىق كوماندا ءۇشىن ءاربىر ويىننىڭ ماڭىزى ارتىپ تۇر. ويىننىڭ 4-مينۋتتا «بارىس» ساپىنان كودي كۋنيك ەسەپ اشسا, 13-مينۋتتا ياكوب ليليا ەسەپتى ۇستەمەلەي ءتۇستى. ەكىنشى كەزەڭنىڭ 15-مينۋتىندا قازاقستاندىق كوماندادان ليندەن ۆەي كوزدەگەن نىسانادان ءمۇلت كەتكەن جوق. ودان كەيىن «تورپەدو» ساپىنان ارتيوم ميحەەۆ 34, زيات پايگين 44-مينۋتتاردا مەرگەندىگىمەن تانىلدى. ال ياكوب ليليا 46-مينۋتتا قايتادان «بارىستىڭ» باسىمدىعىن ارتتىردى.
كەزدەسۋدە «بارىس» قارسىلاسىن 4:2 ەسەبىمەن ءسۇرىندىردى. وسىلايشا قاتارىنان ءۇش مارتە جەڭىسكە جەتتى.
ايتا كەتسەك, ەكى كوماندا اراسىنداعى سوڭعى التى كەزدەسۋدىڭ تورتەۋىندە قازاقستاندىق كلۋب جەڭىسكە جەتتى. «بارىس» ەندى كەلەسى ويىنىن 27 قاراشادا ەلوردادا رەسەيدىڭ «ۆيتياز» (پودولسك) كومانداسىنا قارسى وتكىزەدى.
