جارىستىڭ اشىلۋى بارىسىندا باتىر بابا تۋرالى تەلەفيلم كوپشىلىك نازارىنا ۇسىنىلدى. سونداي-اق بارلىق سپورتشىلارعا داڭقتى بالۋان جايلى جازىلعان كىتاپ بەرىلدى. كوپشىلىك كۇش اتاسى قاجىمۇقاننىڭ قولدانعان زاتتارى قويىلعان تاريحي مۇراجايدى تاماشالادى.
سالتاناتتى شارادا وبلىس اكىمىنىڭ ورىنباسارى ساكەن قالقامانوۆ قازاق كۇرەسىنىڭ الەمدىك دەڭگەيدە وركەندەپ جاتقانىن ايتىپ ءوتتى. قاجىمۇقان مۇڭايتپاس ۇلىنىڭ نەمەرەسى حالىقارالىق دارەجەدەگى سپورت شەبەرى, قازاقستانعا ەڭبەك سىڭىرگەن جاتتىقتىرۋشى شاتتىق قاجىمۇقان بۇل تۋرنيرگە ارنايى كەلىپتى.
باتىر بابانىڭ ۇرپاعى ءىس شارانى ۇيىمداستىرۋشىلارعا ريزاشىلىعىن ءبىلدىرىپ, العىسىن ايتتى. كىل مىقتى بالۋاندار باسەكەسىنە بيىل رەسەي, وزبەكستان مەن قىرعىزستاننان كەلگەن 200-دەن استام ءاپايتوس ساڭلاقتار قاتىسىپ, باقتارىن سىناۋدا.
بوز كىلەمدە تالانتتارىمەن تانىلعان مىقتى ساڭلاقتاردىڭ اراسىندا جەڭىمپاز بولعان باس جۇلدە يەگەرىنە تەمىر تۇلپار بەرىلمەك.
