ايماقتار • 25 قاراشا، 2021

نۇرلان نوعاەۆ: ماڭعىستاۋدا كەلەسى جىلى دا قۋاڭشىلىق بولۋى مۇمكىن

18 رەت كورسەتىلدى

وكق الاڭىندا ماڭعىستاۋ وبلىسىنىڭ اكىمى نۇرلان نوعاەۆ وبلىستاعى قۋاڭشىلىق ماسەلەسى كەلەسى جىلى دا جالعاسۋى مۇمكىن ەكەنىن ايتتى، دەپ جازادى Egemen.kz.

ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسى بارىسىندا جۋرناليستەر ماڭعىستاۋ وبلىسىنىڭ اكىمى نۇرلان نوعاەۆتان ماڭعىستاۋداعى قۋاڭشىلىق الداعى ۋاقىتتا قايتالانباۋ ءۇشىن قانداي شارالار قابىلدانىپ جاتقانىن جانە بيىل وڭىردە قانشا مالدىڭ قىرىلعانىن سۇرادى.

ماڭعىستاۋ وبلىسىنىڭ اكىمى الدىمەن قابىلدانىپ جاتقان شارالارعا توقتالدى.

«جاراتقاننىڭ ىسىنە ارالاسۋ كۇپىرلىك بولار. كەلەسى جىلى جاڭبىر جاۋادى دەپ ەشكىم ايتا المايدى. بۇعان دەيىن ايتقانىمداي، قۋاڭشىلىق 2-3 جىل بويى جالعاسىپ كەلەدى. بولجامدار بويىنشا كەلەسى جىلى دا وسىنداي جاعداي بولۋى مۇمكىن. دەگەنمەن مال باعۋ مادەنيەتى جانە وڭتايلاندىرۋ ماسەلەلەرى بويىنشا اۋىلشارۋاشىلىق كاسىپكەرلەرمەن كەزدەسۋ وتكىزدىك. مەملەكەت ءوز تاراپىنان قاجەتتى قولداۋلاردى كورسەتىپ كەلەدى»، دەدى ول.

نوعاەۆ اتاپ وتكەندەي، شىعىن بولعان مالدى وتەۋگە رەسپۋبليكالىق بيۋدجەتتەن 1،9 ملرد تەڭگە قاراجات بولىنگەن.

«مالىمەت بويىنشا 1 209 مال قىرىلعان. ونىڭ 950-ءى اۋىل شارۋاشىلىق مينيسترلىگىنىڭ قاراماعىنداعى بازاعا تىركەلمەگەن. نەگىزى ءار مال باسى بازاعا تىركەلۋى كەرەك. بۇل ۆەتەريناريالىق تەكسەرىستەر كەزىندە مال شىعىنىنىڭ الدىن الۋعا سەپتىگىن تيگىزەدى»، دەيدى وبلىس اكىمى.

نۇرلان نوعاەۆ بايانداعانداي، وبلىسقا 77 مىڭ توننا ءشوپ جانە 53 مىڭ توننا جەم جەتكىزىلگەن. قازىرگى كۇنى 70 مىڭ توننا ءشوپ جەتكىزىلىپ، ءىرى ەلدى مەكەندەرگە تاراتىلدى. سونداي-اق 41 مىڭ توننا جەم باسقا وڭىرلەردەن وبلىسقا جەتكىزىلدى.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار