كەزدەسۋ ەلوردا ۋاقىتىمەن 21.30-دا باستالىپ, «Qazaqstan» تەلەارناسىنان تىكەلەي ەفيردە كورسەتىلەدى.
ويىن الماتى قالاسىنداعى ورتالىق ستاديوندا وتكىزىلەدى. كەزدەسۋدە گرۋزيالىق گوگا كيكاچەيشۆيلي باس تورەشى قىزمەتىن اتقارادى. وعان وتانداستارى داۆيت گابيسونيا مەن گەورگي ەليكاشۆيلي كومەكشىلىك جاسايدى. قوسالقى تورەشى دە - سول ەلدىڭ وكىلى يراكلي كۆيريكاشۆيلي.
ەكى كوماندا اراسىنداعى العاشقى ويىندا «بازەل» 4:2 ەسەبىمەن باسىم ءتۇستى. «بازەل» كلۋبى 1893 جىلى قۇرىلعان. ءوزىنىڭ ەلىندە 20 مارتە چەمپيون اتانعان ەدى. ەۋروكۋبوك ويىندارىنا تۇراقتى تۇردە قاتىسىپ كەلەدى.
ايتا كەتسەك, «قايرات» H توبىندا سىنعا تۇسەدى. قارسىلاستارى - شۆەيتساريانىڭ «بازەل», ازەربايجاننىڭ «كاراباح» جانە كيپردىڭ «ومونيا» كوماندالارى. قازىر «قايرات» ءوز توبىندا 1 ۇپايمەن سوڭعى ورىندا تۇر. «بازەل» 8 ۇپايمەن ەكىنشى ورىندا كەلەدى.
