عىلىم • 25 قاراشا، 2021

قازۇازۋ عالىمدارى بەلگيانىڭ اگروتەحنولوگيا تاجىريبەسىن زەرتتەيدى

47 رەت كورسەتىلدى

قازاق ۇلتتىق اگرارلىق زەرتتەۋ ۋنيۆەرسيتەتىنە بەلگيا كورولدىگىنىڭ قازاقستانداعى ەلشىسى انري ۆانتيگەم جانە ۆاللون ەكسپورت جانە ينۆەستيتسيالار جونىندەگى اگەنتتىگى باس ديرەكتورىنىڭ كەڭەسشىسى شانتال دە بلە (AWEX)  باستاعان دەلەگاتسيا كەلدى، دەپ جازادى Egemen.kz.

دەلەگاتسيا قۇرامىندا FIT اگەنتتىگىنىڭ ورتالىق ەۋروپا ەلدەرى بويىنشا وڭىرلىك ديرەكتورى بارت ۆان دەن بوش، ۆاللون اگەنتتىگىنىڭ ەۋرازەق ەلدەرى بويىنشا ەكسپورت جانە ينۆەستيتسيالار جونىندەگى وڭىرلىك مەنەدجەرى (AWEX) الەكساندرا تونكيح، قازاقستانداعى بەلگيا كورولدىگى ەلشىلىگىنىڭ ساۋدا-ەكونوميكالىق كەڭەسشىسى ايجان مۇساقانوۆا، ەنو پروۆينتسياسىنىڭ اگرونوميا جانە اگروونەركاسىپ حالىقارالىق ورتالىعىنىڭ (سARAH) اگرونوميا جونىندەگى مەنەدجەرى فرانسۋا سەرنەلس، ProAniWal كومپانياسىنىڭ باس ديرەكتورى پاسكال لەرۋا بار.

ساپاردىڭ ماقساتى – ەكىجاقتى ءوزارا ءتيىمدى ىنتىماقتاستىقتى ورناتۋ جانە اگروونەركاسىپتىك كەشەن سالاسىنداعى بىرلەسكەن عىلىمي يننوۆاتسيالىق جوبالاردى ىسكە اسىرۋ.

شانتال دە بلە حانىمنىڭ ايتۋىنشا، قازۇازۋ عالىمدارى بەلگيانىڭ اۋىل شارۋاشىلىعى داقىلدارىن ءوسىرۋ جونىندەگى تاجىريبەسىن زەردەلەپ، الىنعان تاجىريبەنى ەلىمىزدەگى كارتوپ ترانسفەرتىنە جانە ونىڭ بەيىمدەلۋىن قولدانا الادى.

كەزدەسۋ بارىسىندا قازاقستان-بەلگيا اراسىنداعى جوعارى ءبىلىم بەرۋ، عىلىمي-زەرتتەۋ قىزمەتى مەن اۋىل شارۋاشىلىعى سالاسىنداعى جاڭا مۇمكىندىكتەردى ارتتىرۋ ماسەلەلەرى تالقىلاندى.

ەنو پروۆينتسياسىنىڭ اگرونوميا جانە اگروونەركاسىپ حالىقارالىق ورتالىعىنىڭ (CARAH) اگرونوميا جونىندەگى مەنەدجەرى فرانسۋا سەرنەلس قازۇازۋ عالىمدارىمەن ىنتىماقتاستىق ورناتۋ جونىندەگى باستامالاردى قولدايتىنىن جانە بىرلەسكەن جوبالار جاساۋ جونىندە ءوزىنىڭ ۇسىنىستارىن ءبىلدىردىردى. CARAH – فەرمەرلەرگە وزىق اگروتەحنولوگيالاردى ەنگىزۋگە كومەكتەسەتىن كوممەرتسيالىق ەمەس قاۋىمداستىق. ءبىزدىڭ عالىمدارىمىزدىڭ وسى كومپانيا ماماندارىمەن ىنتىماقتاستىعى قازاقستاندا كارتوپ داقىلدارىن كوبەيتۋ ءۇشىن جاڭا اگروتەحنولوگيالاردى ەنگىزۋگە، سونداي-اق فەرمەرلەردىڭ قۇزىرەتىن ارتتىرۋعا مۇمكىندىك بەرەدى دەپ سانايمىن. ەگەر جەمىس-كوكونىس شارۋاشىلىعى عىلىمي-زەرتتەۋ ينستيتۋتى ءبىزدىڭ ۋنيۆەرسيتەتتىڭ باسقارۋىندا ەكەندىگىن ەسكەرەتىن بولساق، وندا وسى باعىتتا جەرگىلىكتى عىلىمي ورتالىقتاردىڭ ماماندارىمەن ءوزارا ىنتىماقتاستىقتىڭ تيىمدىلىگى ارتا تۇسەتىنىنە سەنىم مول.

ءوز سوزىندە قازۇازۋ باسقارما توراعاسى - رەكتور تىلەكتەس ەسپولوۆ ۋنيۆەرسيتەت ءوز تاراپىنان اگروكەشەن سالاسىنداعى ءونىم ءوندىرۋدى ۇلعايتۋعا ىقپالى تيەتىن بارلىق بىرلەسكەن يننوۆاتسيالىق عىلىمي جوبالاردى جۇزەگە اسىرۋعا  بارلىق جاعدايدى جاسايدى دەپ سەندىردى.

قازۇازۋ ميكروكلونالدى كوبەيۋ زەرتحاناسىندا كارتوپتى ۆيرۋسسىز وتىرعىزۋ ماتەريالىن شىعارۋعا بولادى. سونداي-اق جەمىس-كوكونىس شارۋاشىلىعى عزي زەرتحانالارىن دا وسى يگىلىكتى ىسكە قوسۋ قاجەت دەپ ويلايمىز. بولاشاقتا ەلىمىزدە كارتوپتى وڭدەۋدى جوعارى دەڭگەيگە كوتەرۋ جوسپارلانۋدا. وعان وقۋ ورنىمىزدىڭ بىلىكتى عالىمدارى دا ءوز ۇلەستەرىن قوساتىن بولادى.

كەزدەسۋ بارىسىندا پروەنيۆول (ProAniWal) كومپانياسىنىڭ باس ديرەكتورى پاسكال لەرۋا مال شارۋاشىلىعى سالاسىندا بىرلەسىپ جۇمىس ىستەۋ تاسىلدەرىن ۇسىنىپ، كومپانيانىڭ مال شارۋاشىلىعى سالاسىنداعى تاجىريبەسىمەن بولىسۋگە دايىن ەكەنىن جەتكىزدى.

كەزدەسۋ سوڭىندا قوناقتار ۆاگەنينگەن ينستيتۋتى، وسىمدىكتەردىڭ ميكروكانالدى كوبەيۋ زەرتحاناسى، اگروتەحنيكالىق جانە سۋ حابتارىندا، قازاقستان-بەلارۋس اگروينجەنەرلىك يننوۆاتسيالىق جانە قازاق-جاپون ازىق-ت ۇلىك تەحنولوگيالارى ورتالىقتارىندا، ءسۇت جانە ءسۇت ونىمدەرىنىڭ رەفەرەنتتىك زەرتحاناسىندا بولىپ، عىلىمي ىزدەنىستەردىڭ جەتىستىكتەرىمەن تانىستى.

بەلگيالىق قوناقتاردىڭ قازۇازۋ بازاسىنداعى دامىعان عىلىمي-يننوۆاتسيالىق ينفراقۇرىلىم مەن عالىمداردىڭ قىزمەتىنە جوعارى باعا بەرگەنى قۋانتادى. ProAniWal، CARAH جانە Awex ۋنيۆەرسيتەتپەن مال شارۋاشىلىعى، ۆەتەريناريا، اگرونوميا سالالارىندا ىنتىماقتاسۋعا نيەت ءبىلدىردى.

 

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار