قوعام • 25 قاراشا، 2021

پارلامەنت ءماجىلىسىنىڭ ەكس-دەپۋتاتى قايتىس بولدى

170 رەت كورسەتىلدى

ءماجىلىستىڭ II، III جانە IV شاقىرىلىمدارىنىڭ دەپۋتاتى، سولتۇستىك قازاقستان وبلىسىنىڭ قۇرمەتتى ازاماتى يۆان فەدوروۆيچ چيركالين 74 جاسىندا قايتىس بولدى، دەپ حابارلايدى Egemen.kz.

«يۆان فەدوروۆيچ ەل مەن ءوڭىردىڭ دامۋىنا ۇلكەن ۇلەس قوستى. قاراپايىم كومباينشىدان ءماجىلىس دەپۋتاتىنا دەيىن كوتەرىلگەن ول 31 زاڭدى ازىرلەۋگە قاتىسىپ، 130-دان استام ۇسىنىس ەنگىزدى. يۆان فەدوروۆيچتى تانيتىندار ونىڭ ءبىلىمدى، زيالى، تاربيەلى ادام، تاماشا اكە جانە جار بولعانىن ايتادى»، دەپ اتاپ ءوتتى پەتروپاۆل اكىمدىگىنىڭ ءباسپاسوز قىزمەتى.

يۆان فەدوروۆيچ چيركالين 1947 جىلى 10 شىلدەدە سولتۇستىك قازاقستان وبلىسى مامليۋت اۋدانى ميحايلوۆكا اۋىلىندا دۇنيەگە كەلدى.

1965 جىلى پەتروپاۆل اۋىل شارۋاشىلىعىن مەحانيكالاندىرۋ جانە ەلەكترلەندىرۋ تەحنيكۋمىن، 1979 جىلى س.م.كيروۆ اتىنداعى ۋرال پوليتەحنيكا ينستيتۋتىن «ينجەنەر-ەكونوميست» ماماندىعى بويىنشا ءتامامدادى.

ەڭبەك جولىن 1965 جىلى سقو مامليۋت اۋدانى دۋبروۆينسكي كەڭشارىندا باستادى.

1996-1999 جىلدار ارالىعىندا سولتۇستىك قازاقستان اكىمى ورىنباسارى قىزمەتىن اتقاردى. 2012 جىلدان سقو اكىمىنىڭ كەڭەسشىسى بولىپ ىستەدى.

بۇعان قوسا، يۆان فەدوروۆيچ 1999-2011 جىلدارى پارلامەنت ءماجىلىسىنىڭ ءىى، ءىىى، IV شاقىرىلىمىنىڭ دەپۋتاتى بولدى. ءماجىلىستىڭ ەكونوميكالىق رەفورما جانە وڭىرلىك دامىتۋ كوميتەتىن باسقاردى، ءماجىلىستىڭ اگرارلىق ماسەلەلەر جونىندەگى كوميتەتىنىڭ حاتشىسى بولدى.

چيركالين – ەكونوميكا عىلىمدارىنىڭ كانديداتى. ءبىرىنشى دارەجەلى «اتامەكەن»، 3 دارەجەلى «بارىس»، «پاراسات» وردەندەرىمەن ماراپاتتالعان. 2007 جىلى سولتۇستىك قازاقستان وبلىسىنىڭ قۇرمەتتى ازاماتى اتانىپ، قازاقستان پرەزيدەنتىنىڭ العىس حاتىن الدى، «التىن بارىس» توسبەلگىسى تابىستالدى.



سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار