بۇل تۋرالى حابار24 تەلەارناسى ءمالىم ەتتى.
تەرگەۋ كوميتەتى مەن باس پروكۋراتۋراعا قوعامدا ۆاكتسيناتسياعا قارسى بەلسەندى تۇردە ناۋقان جۇرگىزەتىن 37 ادامنىڭ دەرەكتەرى جىبەرىلدى. ولار رەسەي فەدەراتسياسىنىڭ قىلمىستىق كودەكسىنىڭ 207.1 جانە 207.2 باپتارى, اۋىر زارداپتارعا اكەپ سوققان كورىنەۋ جالعان قوعامدىق-ماڭىزدى اقپاراتتى تاراتۋ بويىنشا جاۋاپقا تارتىلۋى مۇمكىن.
«تەرگەۋ ورگاندارى جاڭا كوروناۆيرۋس ينفەكتسياسىنا قارسى ۆاكتسيناتسيانىڭ زيانى تۋرالى جالعان اقپارات تاراتاتىن مەديتسينا قىزمەتكەرلەرىنە باسا نازار اۋدارۋدا», دەپ حابارلايدى رەسەيدىڭ تۇتىنۋشىلىق قاداعالاۋى.
گرەكيا ۇكىمەتى ەل تۇرعىندارىنا كوروناۆيرۋسقا قارسى رەۆاكتسيناتسيالاۋدىڭ ارتىقشىلىقتارىن تۇسىندىرۋدە. گرەك ۇلتتىق ۆاكتسيناتسيا كوميتەتىنىڭ باسشىسى ماريا تەودوريدۋ COVID-19 ۆيرۋسىنا قارسى ۆاكتسينانىڭ ءۇشىنشى دوزاسىن ەگۋ قاجەتتىلىگى تۋرالى حابارلادى. ءۇشىنشى دوزادان كەيىن انتيدەنەلەر مولشەرى جىلدام كوبەيەتىندىكتەن رەۆاكتسيناتسيا ۆيرۋستىڭ تارالۋىن ازايتۋعا كومەكتەسەدى جانە ۆاكتسيناتسيالانباعان ادامداردا ءۇش ەسە ءجيى كەزدەسەتىن COVID-19 اۋىر اسقىنۋلارىنىڭ الدىن الادى. بۇگىنگى تاڭدا گرەتسيادا حالىقتىڭ 62,3%-ى ۆاكتسيناتسيانىڭ تولىق كۋرسىنان ءوتتى.
