تاسىمال ۇدەي تۇسەدى

«قازاقستان تەمىر جولى» ۇك» اق پرەزيدەنتى اسقار مامين قى­تاي­عا جۇمىس ساپارىندا ليانيۋ­ن­گان قالالىق كومپارتياسى حالىق ۇكىمەتىنىڭ حاتشى­سى لي تسيان مەن باسقارما توراعاسى-ليانيۋنگان پورتىنىڭ پرە­زي­دەنتى باي ليتسۋن مىرزالارمەن كەزدەستى. كەزدەسۋ بارىسىندا تران­زيت پەن لوگيستيكا جايى تالقى­لاندى. باسقوسۋعا قازاقستان رەس­پۋبليكاسىنىڭ قىتاي حالىق رەس­پۋبليكاسىنداعى توتەنشە جانە وكىلەتتى ەلشىسى نۇرلان ەرمەك­باەۆ قاتىستى. «بولاشاقتا قازاقستان تەڭىزگە شىعۋ مۇمكىندىگى بار ەلدەردە لو­گيستيكالىق ورتالىقتار قۇرۋدى ين­ۆەستيتسيالاۋدى باستايدى», دەگەن ەدى ەلباسى نۇرسۇلتان نازار­باەۆ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى حالىققا جولداۋىندا. قتج-نىڭ قىتايدىڭ ءىرى پورتى ليانيۋنگاندا لوگيستيكالىق تەرمينال قۇرىلىسىنا كىرىسۋى – وسى تاپسىرماعا ىسپەن جاۋاپ بەرۋىنىڭ ناقتى كورىنىسى. وتكەن جىلى قىركۇيەكتە قحر توراعاسى سي ءتسزينپيننىڭ قازاق­ستان رەسپۋبليكاسىنا مەملەكەتتىك ساپارى اياسىندا «قازاقستان تەمىر جولى» پرەزيدەنتى مەن ليانيۋنگان قالالىق كومپارتياسى حالىق ۇكىمەتىنىڭ حاتشىسىمەن تەرمينال قۇرىلىسىنىڭ جوباسى جونىندە كەلىسىمگە قول قويعان بولاتىن. قتج-داعى تاسىمالداۋ ۇدەرىسىندەگى يننوۆاتسيالىق جاڭالىقتار وتكەن جىلى ەل اۋماعى ارقىلى تاۋلىگىنە 900 شاقىرىمدىق حالىقارالىق كون­تەينەرلىك پويىزدى وتكىزۋگە ءمۇم­كىندىك بەردى. قازاقستان مەن قىتايدىڭ ءىرى پورتىنىڭ ارا­سىن­داعى لوگيستيكالىق تىزبەك قۇ­رۋى جۇك جونەلتۋشىلەرگە ۇلكەن جەڭىلدىك جاسايدى. باسقوسۋ بارىسىندا تاراپتار «ليانيۋنگان پورتىنداعى لوگيس­تي­كالىق تەرمينالدىڭ قۇرىلى­سى» بىرلەسكەن جوباسىن تالقى­لادى. ۇستىمىزدەگى جىلى تاراپتار ليانيۋن­گان پورتىنداعى قازاق­ستان-قىتاي تەرمينالى قۇرىلى­سىنىڭ نەگىزگى بولىگىن ىسكە قو­سۋدى جوسپارلاپ وتىر. ول ار­قى­لى وڭتۇستىك شىعىس ازيا ەل­دەرىنەن ەكسپورتتىق جانە ترانزيت­تىك جۇك اينالىمىن وسىرۋگە ءمۇم­كىن­دىك اشىلادى. 2015 جىلى وسى باعدارداعى ترانزيتتىك جانە ەكس­پورتتىق كونتەينەرلىك تاسىمالداۋ كولەمى 250 مىڭ 20 فۋتتىق ەكۆيۆالەنت بولسا, 2020 جىلدارى ەكى ەسەگە ارتىپ, تاسىمال تولاستاماي ۇدەي تۇسەدى. ساپار بارىسىندا «KTZ Exp­ress» اق مەن «ليانيۋنگان پور­تى» ااق اراسىندا بىرلەس­كەن كا­سىپ­ورىن قۇرۋدىڭ قۇرىل­تاي­شى­لىق كەلىسىمى مەن جارعىسىنا قول قويىلدى. «ەگەمەن-اقپارات».