ۇلكەن ىستەر ۇدەسى

كەشە ورتالىق كوممۋنيكاتسيالار قىزمەتىندە «سامۇرىق-قازىنا» ۇاق» اق-تىڭ باسقارما توراعاسى ومىرزاق شوكەەۆ ءباسپاسوز ءماسليحاتىن وتكىزدى. ول وتكەن جىلعى جۇمىستاردىڭ قورىتىندىلارى تۋرالى بايانداپ, قوردىڭ العا قويعان ماقساتتارى جونىندە اڭگىمەلەدى. «سامۇرىق-قازىنا» قورى ەلى­مىز­دىڭ ەڭ ۇلكەن كومپانيا­سى. مۇندا مەملەكەتىمىزدىڭ ستراتەگيالىق ماڭىزى بار بارلىق اكتيۆتەرى شوعىرلاندىرىلعان. سوندىقتان بۇقارالىق اقپارات قۇرالدارىمەن مۇمكىندىگىنشە ءجيى-ءجيى ءباسپاسوز ءماسليحاتتارىن وتكىزىپ, قورداعى جاعدايمەن حالىقتى حاباردار ەتىپ وتىرۋ نەگىزگى مىندەتىمىزدىڭ ءبىرى. ال ەندى قوردىڭ قازىرگى قارجىلىق جاعدايىنا توقتالسام, ءدال بۇگىن ونىڭ اكتيۆتەرى 14 ترلن. 543 ملرد. تەڭگەنى قۇرايدى. قوردا 340 مىڭ­نان استام ادام ەڭبەك ەتەدى. وتكەن جىلدىڭ قورىتىندىسى بويىنشا تازا پايداسى 641,2 ملرد. تەڭ­گەگە شىقتى. قور جىلىنا 4 ترلن. تەڭگەدەن استام تاۋارلار مەن قىز­مەتتەردى ساتىپ الادى. وسىنىڭ 70 پايىزدان استامى وتاندىق ءونىم وندىرۋشىلەردىڭ ۇلەسىنە تيەدى, دەدى باسقارما توراعاسى. «ەير قا­زاقستان» جاڭا اۋە كومپانياسى كەلەر جىلى جۇمىسىن باستايدى ەكەن. «ءبىز مامىر ايىنا دەيىن كومپانيانى تىركەپ, وپە­راتور تارتۋىمىز قاجەت. ال جىل سوڭىنا دەيىن ۇشاقتار ساتىپ الا­مىز. بۇيىرتسا, كەلەسى جىلدىڭ باسىنان اۋە كومپانياسى اشىلادى دەپ جوسپارلاپ وتىرمىز», دەدى ءو.شوكەەۆ. بۇگىندە اۋە كومپانيالارىنا قاۋىپسىزدىك تالاپتار كۇشەيتىلىپ وتىرعانىنا قاتىستى دا ءوز پىكىرىن ءبىلدىردى. «ەلىمىزدە بۇل سالادا مونوپوليا بولماۋى ءتيىس. سول سەبەپتى پرەزيدەنت تاپسىرماسى بويىنشا ەكىنشى وتاندىق اۋە كومپانياسىن اشۋدى ءجون سانادىق. جوسپار بويىنشا وسى جىلى 10 ۇشاق جەتكىزىلەدى. ولار وبلىسارالىق اۋە جەلىلەرىندە قىزمەت ەتەدى. ەكى اۋە كومپانياسى ارىپتەستىك قارىم-قاتىناستا جۇمىس جاسايدى. ءبىز ەكەۋىنە دە اكتسيونەرمىز, ولاردىڭ ءمۇد­دەلەرىن ءوزىمىز ۇيلەستىرىپ وتى­رۋعا ارەكەت ەتەمىز. دەسەك تە, بۇل سالادا باسەكەلەستىك بولۋى ءتيىس دەپ ويلايمىز», دەدى قور جەتەكشىسى. ەلدەگى بىرقاتار بانكتەردىڭ قىز­مەتى دە اڭگىمە ارقاۋىنا اينال­دى. داعدارىس كەزىندە ەكىنشى دەڭ­گەي­لى بەس بانكتىڭ كاپيتالىنا قۇيىل­عان قارجىنىڭ 200 ملرد. تەڭ­گە­دەن استامى قايتارىلىپتى. «قور «اليانس بانك», «تەمىربانك» جانە «بتا بانك» اق-تىڭ كاپيتا­لى­نان شىعىپ جاتىر. بۇگىندە ولار جەكەشەلەندىرىلدى. سوڭعى قۇجاتتار ازىرلەنىپ, قول قويىلۋدا. وتە ءسات­تى بولعان وپەراتسيا دەپ ايتا الا­مىن. ويتكەنى, ەكونوميكادا جەكە­مەنشىك باسقارۋ مەملەكەتتىك باس­قارۋدان ءتيىمدى بولىپ سانالادى», دەدى ءو.شوكەەۆ. باسقارما ءتورا­عاسى كەزىندە ۇلتتىق قوردان بانك­تەردىڭ كاپيتالىنا 332 ملرد. تەڭگە قۇيىلعانىن دا نازاردان تىس قالدىرمادى. «بەس بانك – «اليانس بانك», «تەمىربانك», «بتا بانك», «قازكوممەرتسبانك» جانە «حالىق بانكى» اق-تىڭ كاپيتالىنا قارجى قۇيىلدى. سوڭعىسىنا بولىنگەن قارجى تولىعىمەن قايتارىلدى. ءۇش بانكتەن قايتارىلعان اقشا قازىر 200 ملرد. تەڭگەدەن استى. «قاز­كوم­مەرتسبانكتە» قالعان ۇلەسىمىزدى سات­قان كەزدە قالعان قاراجات قاي­تا­رىلادى, دەدى بۇل جونىندە ءو.شوكەەۆ. سالا باسشىسى ەلباسىنىڭ ۇكىمەتتىڭ كەڭەيتىلگەن وتىرىسىندا بەرگەن تاپسىرمالارى تۋرالى دا ايتتى. «ءبىرىنشى, قوردىڭ بۇكىل قىزمەتكەرلەرىنىڭ ايلىق جالاقىسى ساۋىردەن باستاپ 10 پايىز ءوسىرىلدى. بۇعان 47 ملرد. تەڭگە ءبولىندى. ەكىنشى, كاسىپورىنداردى جەكەشەلەندىرۋ ءىسى. ول جۇمىستار اتقارىلىپ جاتىر. ءۇشىنشى, مۇگەدەك جاندارعا جۇمىس بەرۋ شاراسى. ءبىزدىڭ جۇرگىزگەن زەرت­تەۋلەرگە قاراساق, قوردا 1092 ءمۇم­كىندىگى شەكتەۋلى جاندار قىزمەت ەتە­دى ەكەن. بۇيىرتسا, بيىل بۇل كور­سەت­كىشتى ەكى ەسەگە وسىرەمىز دەگەن نيەت, جوسپارىمىز بار», دەپ قورى­تىندىلادى ءسوزىن ءو.شوكەەۆ. نۇرباي ەلمۇراتوۆ, «ەگەمەن قازاقستان».