جولداۋ – جاڭاشا ۇعىم

كەشە ورال قالاسىندا وبلىس اكتيۆى وتكىزىلىپ, مادەنيەت جانە اقپارات ءمينيسترى, رەسپۋبليكالىق ناسيحاتتىق-اقپاراتتىق توپتىڭ جەتەكشىسى م.قۇل-مۇحاممەد اكتيۆكە قاتىسۋشىلاردى ساپار ماقساتىمەن تانىستىردى. بۇگىن ورال وڭىرىنە ورتالىق مەملەكەتتىك ورگانداردىڭ جەتەك­شىلەرى مەن جاۋاپتى قىزمەت­كەرلەرى ەلباسىنىڭ بيىلعى جول­داۋىن ەل اراسىندا ءتۇسىندىرىپ, تالداۋ ماقساتىمەن كەلىپ وتىر. ارينە, ءومىر بولعان سوڭ  بارى تەپ-تەگىس, جۇپ-جۇمىر بولا بەرمەيدى. اقجايىق ايما­عىن­دا قانداي پروب­لەمالار مەن شەشىمىن تابا الماي جاتقان ماسەلەلەر بار؟ ەل-جۇرتتىڭ ءار­تۇر­لى تالاپ-تىلەكتەرى مەن مۇڭ-مۇقتاجدارىنا قۇلاق ءتۇرۋ دە – اقپاراتتىق-ناسيحاتتىق توپ ءمۇ­شەلەرىنىڭ باستى پارىزى. ولار اۋداندارعا شىعىپ, ەلدىڭ تىنىس-تىرشىلىگىمەن تانىسىپ, الدا تۇرعان مىندەتتەردى ەلباسى جولداۋىمەن ۇندەستىرە, بايلا­نىستىرا قاراۋعا دەن قويىپ وتىر. توپ جەتەكشىسى رەتىندە وسىن­داي ماقساتپەن ءوزىم دە قازىر ءبىر اۋدانعا جۇرگەلى وتىرمىن. كەيىن ساپار قورىتىندىسى بويىنشا جيناقتالعان اقپاراتتار مەن تالداۋلار مەملەكەت باسشى­سىنا ۇسىنىلادى, – دەدى مينيستر. مۇحتار ابرار ۇلى بۇدان ءارى ول سوڭعى 17 جىلدا بارشا قازاق­ستاندىقتاردىڭ تىلدىك قورىنا كەڭىنەن ەنگەن, ءارى ولاردىڭ سانا-سەزىمدەرىنەن بەرىك ورىن تەپكەن جولداۋ ۇعىمى جونىندە ايتىپ بەردى. ياعني, جولداۋدىڭ ءوزى – مۇلدەم جاڭاشا ۇعىم, جاڭاشا تۇسىنىك. سوناۋ 1997 جىلى ەلباسى ءوزىنىڭ جولداۋىن تۇڭعىش رەت رەسپۋبليكا تۇرعىندارىنا جا­ريالاعان كەزدە مۇنداي ءۇردىس كوپتەگەن وزگە مەملەكەتتەر ءۇشىن بۇعان دەيىن قولدانىلماعان تىڭ ءتاسىل ەدى. ونىڭ اياسىن تەك ءبىر عانا تمد مەملەكەتتەرىمەن شەك­­تەي سالۋعا بولمايدى. سودان سوڭ توپ جەتەكشىسى ەلبا­سىنىڭ جىل سايىنعى داستۇرگە اينالعان جولداۋلارىنىڭ اراسىندا تاريحي ماڭىزى ايرىقشا جوعارى, ەل ەكونوميكاسى مەن مادەنيەتىن دامىتۋعا تىڭ سەرپىلىس اكەلگەن ءۇش جولداۋعا ەرەكشە ماڭىز بەردى. مۇنىڭ ءبىرىنشىسى, ارينە, جوعارىدا ايتىلعانداي, «قازاقستان-2030» ستراتەگياسىن قابىلداعان 1997 جىلعى تۇڭعىش جولداۋ. مۇندا مەملەكەتتى دامى­تۋدىڭ ۇزاق مەرزىمگە ارنالعان جەتى باعىتى مەن ەلدى تۇتاستاي يندۋستريالاندىرۋدىڭ جاڭا كوك­جيەكتەرى بەلگىلەندى. ءوزىنىڭ ءمانى مەن ماڭىزى جونىنەن تاعى ءبىر تامىرى تەرەڭ قۇجاتتىڭ ءبىرى – 2005 جىلى جاريالانعان قازاقستاننىڭ ساياسي-ەكونوميكالىق جانە الەۋ­مەت­تىك دامۋ جولدارىن جەدەلدەتۋ مەن جاڭعىرتۋعا باعىتتالعان جولداۋ. مۇندا بەس مەملەكەتتىك باعدارلامانى جۇزەگە اسىرۋعا باسىمدىق بەرىلدى. بۇلار – تاعى دا يندۋستريا­لاندىرۋ, سونىمەن بىرگە, دەنساۋلىق ساقتاۋ, ءبىلىم بەرۋ, تۇرعىنداردى ەڭبەكپەن قامتۋ جانە تىلدەردى دامىتۋ باعدارلامالارى. قازىرگى كۇن بيىگىنەن قاراعاندا, مۇنىڭ ءبارى دە وزدەرىنىڭ تاريحي مىندەتتەرىن ورىنداپ شىقتى. پرەزيدەنت نۇرسۇلتان نازار­باەۆ الەمدىك قاۋىمداستىق اراسىندا العاشقىلاردىڭ ءبىرى بولىپ جاريا ەتكەن جولداۋلاردىڭ اراسىندا «قازاقستان-2050» سترا­تەگياسىنىڭ ورنى تىپتەن بولەك. مۇندا الدىڭعى جولداۋ­لارعا وزەك بولعان ەلدى تۇتاستاي جاڭعىرتۋ جونىندەگى اتقارىلعان ىستەرگە باعا بەرىلدى. تاۋەلسىزدىك جىلدارىندا جۇزەگە اسقان سان الۋان ىستەر ساراپقا سالىندى. ەڭ باستىسى, وسى جولداۋدا مەملەكەتىمىزدىڭ 2050 جىل­دارعا دەيىنگى دامۋ ستراتەگياسى تايعا تاڭ­با باسقانداي ايقىندالىپ بەرىلدى. مۇن­داعى باس­تى ماقسات – جولداۋدىڭ اتاۋىندا تۇر. ءيا, تەك ءبىر ماقسات, ءبىر مۇددە, ءبىر بولا­شاق جاع­دايىندا عانا ءبىز العا قويىلعان سترا­تە­گيالىق ماقساتتارعا قول جەتكىزە الامىز. ورال وڭىرىنە ورتالىق مەملەكەتتىك ورگان­داردىڭ جاۋاپتى قىزمەتكەرلەرىن باستاپ كەل­گەن توپ جەتەكشىسى ءوز ويىن وسىلاي تۇيىندەدى. كەشە توپ مۇشەلەرى وزدەرى العا قويعان مىندەتتەردى ورىنداۋ ءۇشىن وبلىس اۋداندارىنا اتتانىپ كەتتى. تەمىر قۇسايىن, «ەگەمەن قازاقستان». باتىس قازاقستان وبلىسى.