وسك جاريالاعان داۋىس بەرۋ ناتيجەسىنە سايكەس, ر. رادەۆ جەكسەنبى كۇنى وتكەن پرەزيدەنت سايلاۋىنىڭ ەكىنشى كەزەڭىندە 66,72 پايىز داۋىس جينادى.
ونىڭ قارسىلاسى, سوفيا ۋنيۆەرسيتەتىنىڭ رەكتورى اناستاس گەردجيكوۆكە ەلەكتوراتتىڭ 31,8 پايىزى داۋىس بەرگەن. 14 قاراشادا بولگاريادا پرەزيدەنت سايلاۋى ءوتتى. 23 كانديداتتىڭ ىشىنەن ەشبىرى جەتكىلىكتى داۋىس جيناماعاندىقتان جانە داۋىس بەرۋگە كەلگەن تۇرعىندار سانى 50 پايىزعا جەتپەگەندىكتەن, ءبىرىنشى كەزەڭدە پرەزيدەنت سايلانبادى.
ءبىرىنشى تۋردا كوش باستاعان ر. رادەۆ پەن ا. گەردجيكوۆ ەكىنشى تۋرعا قاتىستى. ر. رادەۆ 1963 جىلى تۋعان, ول ۇزاق ۋاقىت بويى ەلدىڭ قارۋلى كۇشتەرىن باسقارىپ كەلدى. 2016 جىلدىڭ قاراشاسىندا وتكەن پرەزيدەنت سايلاۋىندا جەڭىسكە جەتىپ, 2017 جىلدىڭ قاڭتارىندا بولگاريا پرەزيدەنتى رەتىندە قىزمەتىن باستادى.
كونستيتۋتسياعا سايكەس, پرەزيدەنت بەس جىلعا سايلانادى. ول تەك ءبىر رەت قانا قايتا سايلانا الادى.
