وبلىستىق وبلىسىنىڭ باس مەملەكەتتىك سانيتاريالىق دارىگەرى نۇربەك نىشانوۆتىڭ مالىمەتىنشە, رەۆاكتسيناتسيا 60 جاستان اسقان ادامدارعا دا جۇرگىزىلەدى.
«ۆاكتسينا سالعاننان كەيىن اعزادا شامامەن ءۇش اپتا وتكەندە كوروناۆيرۋسقا قارسى يممۋنيتەت پايدا بولادى. انتيدەنە ۆيرۋستى انىقتاپ, ونىمەن كۇرەسۋ قابىلەتىنە يە بولادى. الايدا, ۋاقىت وتكەن سايىن اعزاداعى انتيدەنەنىڭ مولشەرى ازايىپ, ۆيرۋسقا قارسى قورعانىس ناشارلايدى. مۇنىڭ الدىن الۋ ءۇشىن تاعى ەكپە الۋ كەرەك.
ۆاكتسينا الۋ - اۋرۋ اعىمىنىڭ جەڭىل وتۋىنە ىقپال ەتىپ, ءولىم سانىن ازايتۋعا مۇمكىندىك بەرەدى. دۇنيەجۇزىلىك دەنساۋلىق ساقتاۋ ۇيىمى رەۆاكتسيناتسيانى كەم دەگەندە جارتى جىلدان سوڭ سالدىرۋ كەرەكتىگىن مالىمدەدى», دەدى نۇربەك سادىقبەك ۇلى.
قازىرگى تاڭدا وبلىستا ۆاكتسينا قابىلداۋعا جاتاتىن ازاماتتاردىڭ 97 پايىزى العاشقى كومپونەنتىن, 92 پايىزى ەكىنشى كومپونەنتىن قابىلداعان. اقپان ايىنان باستاپ جالپى 1 031 870 دوزا ۆاكتسينا جەتكىزىلگەن. ونىڭ 46 800-ءى «Pfizer» ەكپەسى. قازىرگى تاڭدا, 9 886 تۇرعىن وسى ەكپەنى قابىلداعان.
