«اگەنتتىكتىڭ اقمولا وبلىسى بويىنشا اۋماقتىق دەپارتامەنتىنىڭ قىزمەتكەرلەرى جەدەل-ىزدەستىرۋ ءىس-شارالارىنىڭ ناتيجەسىندە وبلىستىڭ ەكى تۇرعىنىن زاڭسىز قۇمار ويىندارىن ۇيىمداستىرعانى ءۇشىن ۇستادى», دەپ حابارلادى اگەنتتىكتىڭ ءباسپاسوز قىزمەتى.
ۆەدومستۆودا حابارلاعانداي, ن. قابدۋشەۆ پەن ا. سلابكوۆسكي وبلىستىڭ ءارتۇرلى اۋداندارىندا ءۇي-جايلاردى جالعا الىپ, «پوكەر تەحاس حولدەم» زاڭسىز قۇمار ويىندارىن وتكىزگەن. بارلىق الىنعان زاتتاي دالەلدەمەلەر مەملەكەت كىرىسىنە اينالدىرىلعان. قاسكۇنەمدەر 2,5 جىلعا باس بوستاندىعىنان ايىرىلدى.
«قارجى مونيتورينگى اگەنتتىگى ويىن بيزنەسى ءۇشىن ءۇي-جايلاردى جالعا الۋ ءۇشىن ورتاق جاۋاپكەرشىلىك تۋرالى ەسكە سالادى. زاڭسىز ويىن بيزنەسىن ۇيىمداستىرعانى ءۇشىن دە, قۇمار ويىندارعا ورىن بەرگەنى ءۇشىن دە 2 جىلعا دەيىن باس بوستاندىعىنان ايىرۋ جازاسى قاراستىرىلعان», دەپ تولىقتىردى دەپارتامەنت.
