باسقوسۋدى ۋنيۆەرسيتەتتىڭ باسقارما توراعاسى – رەكتور گۇلميرا قاناي اشىپ, كەزدەسۋدىڭ ماڭىزى مەن باستى مىندەتى تۋرالى ايتتى.
– قازاق ەلى تاۋەلسىزدىگىنىڭ 30 جىلدىعىنا وراي ۋنيۆەرسيتەتىمىزدە كۇندەلىكتى شارالار وتۋدە. ال بۇگىنگى جيىننىڭ ماڭىزى ەرەكشە ەكەندىگىن ايتقىم كەلەدى. سەبەبى, اعا بۋىن – ءبىزدىڭ العا جول سىلتەيتىن شامشىراعىمىز سىندى. «قارياسى باردىڭ قازىناسى بار». بۇگىندە ۇرپاق تاربيەسىندە اعا بۋىن وكىلدەرى ۇزاق جىلدار بويى جيناعان تاجىريبەسىن پايدالانۋدىڭ تيىمدىلىگى وتە زور. سىزدەر ءوز عۇمىرلارىڭىزدا ۇلتتىق قاۋىپسىزدىگىمىز بەن ەل تىنىشتىعىن ساقتاۋدا ەلەۋلى جۇمىس ىستەدىڭىزدەر. بۇل – وتان الدىنداعى ۇلكەن ازاماتتىق پارىز, – دەدى گۇلميرا قاناي.
كەزدەسۋدە قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ گەنەرال-مايورلارى ەركىن مۇساباەۆ, ماحامبەت مۇستافا, مارات ماجيتوۆ, قازاقستان رەسپۋبليكاسى ىشكى-ىستەر مينيسترلىگى اكادەمياسىنىڭ پولكوۆنيگى امانگەلدى الينوۆ ءسوز سويلەپ, ستۋدەنتتەرگە ونەگەلى اڭگىمەلەرىن ايتتى, اسەرلى ەستەلىكتەرىمەن ءبولىستى.
باسقوسۋدى ۋنيۆەرسيتەتتىڭ ستراتەگيالىق دامۋ جانە الەۋمەتتىك جۇمىس جونىندەگى پرورەكتورى جانار رىسبەكوۆا قورىتىندىلاپ, اعا بۋىن وكىلدەرىنە وقۋ ورنى قاۋىمداستىعى اتىنان العىس ءبىلدىردى.
الماتى
