ونىڭ اشىلۋ راسىمىندە وقۋ ورنىنىڭ باسقارما توراعاسى – رەكتور گۇلميرا قاناي قاتىسىپ, ورتالىق جاستاردىڭ سۇيىكتى ورنىنا اينالاتىنىنا سەنىم ءبىلدىردى.
ورتالىقتى اشۋداعى باستى ماقسات – ءبىلىم الۋشىلاردىڭ شىعارماشىلىق تالانتىن دامىتۋ, ستۋدەنتتەرىمىزدىڭ بوس ۋاقىتىن ءتيىمدى وتكىزۋىن قامتاماسىز ەتۋ.
ورتالىق قاجەتتى قۇرالدارمەن جابدىقتالعان 4 ستۋديادان تۇرادى.
«سۋرەت ونەرى» ستۋدياسىندا بەينەلەۋ ونەرىنىڭ قىر-سىرىن مەڭگەرتۋ, سۋرەت ونەرىنە دەگەن قىزىعۋشىلىقتى ارتتىرۋ جۇمىستارى جۇرگىزىلەدى. سونداي-اق مۇندا جاستاردىڭ شىعارماشىلىق ىزدەنىستەرىنە جول اشۋ ماقساتىندا شەبەرلىك سىنىپتارى دا وتكىزىلمەك.
ال «توقىما ونەرى» ستۋدياسى ساندىك قولونەردى دامىتۋعا باسىمدىق بەرەدى. وندا حالقىمىزدىڭ ەجەلدەن كەلە جاتقان ءداستۇرى بۇگىنگى زامانىمىزعا ساي جەتىلدىرىلەتىن بولادى. ستۋديادا ماماندار ءبىلىم الۋشىلاردى توقىما توقۋ تەحنولوگياسىمەن تانىستىرىپ قانا قويماي, ونى جاساۋدى ۇيرەتپەك.
ء«داستۇرلى قولونەر» ستۋدياسىندا كيىز باسۋ, شي توقۋ, جىبەك ماتاعا سۋرەت سالۋ, كەستە توقۋ سياقتى قولونەر جۇمىستارى جۇرگىزىلەدى.
قىش بۇيىمدارىن جاساۋ جولدارى مەن ءادىس-تاسىلدەرىن ۇيرەتۋ «قىش بۇيىمدارىن جاساۋ» ستۋدياسىندا وتكىزىلەدى.
ايتا كەتەرلىگى, ورتالىققا ۋنيۆەرسيتەتتىڭ كەز كەلگەن ءبىلىم الۋشىسى ساباقتان تىس ۋاقىتىندا كەلىپ, ءوزى قالاعان ونەر باعىتىن مەڭگەرە الادى. ەڭ باستىسى – ونىڭ بارلىعى تەگىن.
الماتى
