وڭىرلىك كارديوحيرۋرگيالىق ورتالىق جۇرەككە 2435 وتا جاسادى

وتكەن جىلى وبلىس ورتا­لىعىنان وڭىرلىك كارديو­حي­رۋرگيالىق ورتالىق اشىلعان ەدى. بۇل اتالۋىنا ساي پاۆلودار جانە شىعىس قازاقستان وبلىس­تارىنىڭ تۇرعىندارىنا قىزمەت كورسەتەدى. جۇرەككە كۇردەلى وتا­لار جاسالادى. بارلىق ءبولىم­شەلەرى زەرتحانالار, دياگ­نوس­تيكالىق زەرتتەۋلەر سوڭعى ۇلگىدەگى مەديتسينالىق قۇرال-جابدىقتارمەن جاراقتالعان. ەڭ باستىسى, كارديوحيرۋرگيالىق ورتالىق ۇجىمى – جاس دارىگەرلەر, ياعني ولاردىڭ ورتاشا جاسى 28 جاستى قۇرايدى. وتكەن جىلى ەلباسى نۇرسۇلتان نازارباەۆ ءوزى كەلىپ كورىپ, جاس كارديوحيرۋرگ دارىگەرلەرمەن جۇزدەسكەن بولاتىن. مامانداردىڭ بار­لىعى ليتۆا, يزرايل, رەسەي, بەلارۋس جانە ەلىمىزدىڭ جە­تەك­شى كارديوحيرۋرگيالىق ورتالىقتارىندا بىلىمدەرىن جەتىلدىرىپ قايتتى. وتكەن جىلى جۇرەككە 2435 وتا جاسالسا, ونىڭ 185-ءسى بالالار ەدى. سونىڭ ىشىندە 959-ىنا جۇرەككە اشىق تۇردە وتا جاساۋ ءادىسى قولدانىلدى. بۇل ارينە, مەديتسيناعا كەلگەن جاڭا وزىق تەحنولوگيالاردىڭ, يننوۆاتسيالاردىڭ, ءبىزدىڭ ءدا­رىگەر ماماندارىمىزدىڭ قول جەتكىزگەن جەتىستىگى. ورتالىقتىڭ كارديولوگ جانە كارديوحيرۋرگ دارىگەرلەرىنىڭ بىلىكتىلىگىن ارتتىرۋ, پراكتيكالىق جانە ادىستەمەلىك كومەك كورسەتۋ ماقساتىندا ەلى­مىزدىڭ باس كارديوحيرۋرگى, پروفەسسور يۋ.ۆ.پيا, مينسكىلىك پروفەسسور, يۋ.وستروۆسكي, ليت­ۆالىق پروفەسسورلار شەبەرلىك سىنىپتارىن وتكىزدى. شەبەرلىك-ساباقتار شەڭبەرىندە 92 ادامعا جۇرەككە, سونىڭ ىشىندە 25 بالاعا وتا جاسالدى. ءبارى ساتىمەن بولدى. تەك دارىگەرلەر عانا ەمەس, مەديتسينالىق ورتا بۋىن وكىل­دەرى دە ءيزرايلدىڭ رەحوۆوت قالاسىنداعى «كاپلان» اۋرۋحاناسى جانىنداعى مەدبيكەلەر مەكتەبىندە بولىپ, تاجىريبە الماستى. جۇرەكتەرىنە وتا جاساعان ناۋقاستارعا دۇرىس كۇتىم جاساۋدى كورىپ, ءبىلىپ قايتتى. ورتالىقتىڭ كارديولوگ ءدارى­گەرلەرى مەن كارديوحيرۋرگتەرى سەمەيگە, وسكەمەنگە بارىپ, وبلىس بويىنشا 200 ناۋقاسقا كەڭەس بەرىلدى. وتكەن جىلى ورتالىقتا شىعىس قازاقستان وبلىسىنان – 107 ناۋقاس, سونىڭ ىشىندە 50 بالا كارديوحيرۋرگيالىق ەم قابىلدادى. ولاردىڭ 63-نە (سونىڭ ىشىندە 35 بالاعا) جۇرەككە اشىق تاسىلمەن وتا جاسالدى. ورتالىقتىڭ باس دارىگەرى وراز مۇقاشەۆتىڭ ايتۋىنشا, يننوۆاتسيا اۋرۋحانالارعا كەلدى, جۇرەككە وتا جاسايتىن حيرۋرگتەردىڭ كوبى قازاق جاستارى. «الداعى ۋاقىتتا كارديو­حي­رۋرگيالىق ورتالىقتىڭ جوسپارىندا جۇرەككە 2700 وتا جاساۋ مىندەتى تۇر. ياعني وسىنشاما ادامنىڭ ءومىرىن ساقتاپ قالۋ ءبىزدىڭ قولىمىزدا تۇر دەگەن ءسوز», دەيدى و.مۇقاشەۆ. فاريدا بىقاي, «ەگەمەن قازاقستان». پاۆلودار.