باس ءمۇفتي اپاتتان زارداپ شەككەن تۇرعىنداردى سابىرعا شاقىرىپ, اۋرۋحانادا اۋىر حالدە جاتقان ناۋقاستارعا اللادان شيپا تىلەدى.
«قايعىلى وقيعا بارشامىزدىڭ جانىمىزعا قاتتى باتتى. قايعىلارىڭىزعا ورتاقپىز. ەلىمىزدەگى بارشا ءدىن قىزمەتكەرلەرى مەن مۇسىلمان قاۋىمى سىزدەردىڭ وتباسىلارىڭىزعا دۇعا جاساۋدا. اللا تاعالا اۋرۋحانادا اۋىر حالدە جاتقان جانداردىڭ تەز ارادا ساۋىعىپ, ورتالارىڭىزعا امان-ەسەن ورالۋىن ءناسىپ ەتكەي. جاراتۋشى جاببار يەمىز بۇل سىناقتىڭ سوڭىن جاقسىلىققا, قۋانىشقا ۇلاستىرعاي. سىزدەرگە اللادان كوركەم سابىر تىلەيمىز. ءبىز ارقاشان سىزدەرمەن بىرگەمىز» دەدى ناۋرىزباي قاجى تاعان ۇلى.
ايتا كەتسەك, جۋىردا اقمولا وبلىسىنىڭ شورتاندى كەنتىندە گاز باللونى جارىلىپ, 3 ادام كوز جۇمدى, تاعى ون ادام اۋرۋحاناعا ءتۇستى. وقىس وقيعا 3 پاتەرلى تۇرعىن ۇيدە بولعان. گاز باللونىنىڭ جارىلۋى سالدارىنان 3 پاتەرلى جەكە ءۇي ورتەنىپ, ونىڭ ءبىر بولىگى قۇلاعان. ءۇيىندى استىنان 3 ادامنىڭ دەنەسى تابىلدى. ونىڭ بىرەۋى كامەلەتكە تولماعان بالا.
قازاقستان مۇسىلماندارى ءدىني باسقارماسى قايعىلى جاعدايعا بايلانىستى مارقۇمداردىڭ وتباسىنا قارجىلاي كومەك كورسەتتى.
