كوروناۆيرۋس • 20 قاراشا, 2021

قازاقستانعا Pfizer ۆاكتسيناسىنىڭ تاعى ءبىر پارتياسى كەلدى

211 رەت

كورسەتىلدى

1 مين

وقۋ ءۇشىن

الماتىعا Pfizer (Comirnaty) كومپانياسى وندىرەتىن COVID-19-عا قارسى ۆاكتسينانىڭ ەكىنشى پارتياسى, 266 760 دوزا كەلدى, دەپ حابارلايدى Egemen.kz.

گاۋھار قاپاش

قازاقستانعا Pfizer ۆاكتسيناسىنىڭ تاعى ءبىر پارتياسى كەلدى

بىرىڭعاي ديستريبيۋتور Pfizer كومپانياسىمەن جۇرگىزىلگەن كەلىسسوزدەر قورىتىندىسى بويىنشا بارلىعى 4 ميلليون 230 مىڭ دوزا ساتىپ الدى.

كەلگەن ۆاكتسينا جەدەل تۇردە ەلىمىزدىڭ وڭىرلەرىنە جىبەرىلدى. Comirnaty ۆاكتسيناسى تىكەلەي وبلىستىق دەنساۋلىق ساقتاۋ باسقارمالارىنىڭ قويمالارىنا جەتكىزىلەدى.

«ۆاكتسينالاردى تاسىمالداۋدا ءار كەزەڭدە تەمپەراتۋرالىق رەجيم قاتاڭ ساقتالادى. سونىمەن قاتار, ءار دەڭگەيدە ءوزىنىڭ جاۋاپتى ۇيىمى مەن جاۋاپتى ادامدار بار», دەلىنگەن حابارلامادا.

دەنساۋلىق ساقتاۋ مينيسترلىگى Comirnaty پرەپاراتىمەن ۆاكتسيناتسيا جۇرگىزىلەتىن بارلىق مەديتسينالىق ۇيىم دايىن ەكەنىن حابارلادى. تالاپتارعا سايكەس ۋلترا تومەن -60... -90 گرادۋس تەمپەراتۋرا رەجيمىن ساقتاۋ ءۇشىن مۇزداتقىشتار ساتىپ الىندى. سونداي-اق, ۆاكتسينانى سۇيىلتۋعا جانە ەنگىزۋگە ارنالعان شپريتستەردىڭ قاجەتتى قورى ساتىپ الىندى.

ەسكە سالايىق, قازاقستانعا Pfizer ۆاكتسيناسىنىڭ العاشقى پارتياسى 379 مىڭ دوزا كولەمىندە كەلدى. Pfizer ۆاكتسيناسى جاسوسپىرىمدەرگە, جۇكتى جانە بالا ەمىزەتىن ايەلدەرگە تەگىن قول جەتىمدى. ۇكىمەت وتىرىسىندا وسى ساناتقا جاتپايتىن قازاقستاندىقتارعا Pfizer-ءدى اقىلى نەگىزدە ەگۋگە مۇمكىندىك بەرۋ ۇسىنىلدى. يدەيانى ەلدىڭ پرەمەر-ءمينيسترى قولدادى. ايتا كەتەيىك, قازاقستاندا قازىر بەس ءتۇرلى ۆاكتسينا بار (سپۋتنيك, QazVac, Sinopharm, Corona V ac, Hayat-Var), ولار تەگىن.