«ۆيتسە-مينيستر بۇگىندە قازاقستاندا SPECA ەلدەرىنىڭ 4 400 كومپانياسى جانە 800 بىرلەسكەن كاسىپورىنى جۇمىس ىستەيتىنىن اتاپ ءوتتى. سوڭعى 10 جىلدا SPECA وتاندىق ەكونوميكاعا $210,7 ملن ينۆەستيتسيا سالدى.
ءمينيستردىڭ ورىنباسارىنىڭ ايتۋىنشا, قازاقستان جاھاندىق ترەندتەردەن تىس قالمايدى جانە «جاسىل ەكونوميكاعا» كوشۋ ءىس-شارالارىن قابىلداۋدا. 2013 جىلى «جاسىل ەكونوميكاعا» كوشۋ جونىندەگى تۇجىرىمداما قابىلدانىپ, «جاسىل» وسۋگە قول جەتكىزۋ جانە ەكونوميكانى تەرەڭ كومىرتەكسىزدەندىرۋ ءۇشىن ەكونوميكانى دامىتۋدىڭ ۇزاقمەرزىمدىك نۇسقالارىن قامتيتىن 2060 جىلعا دەيىنگى تومەنكومىرتەكتىك دامۋ ستراتەگياسى ازىرلەنۋدە», دەلىنگەن ۇەم ءباسپاسوز قىزمەتى تاراتقان اقپاراتتا.
ۆەدومستۆو مالىمەتىنشە,حالىقارالىق فورۋم بارىسىندا قازاقستان تۇراقتى حاتشىلىق مەكەمەسى ارقىلى SPECA باعدارلاماسىن رەفورمالاۋ مەن بەكىتۋدى ۇسىندى. ول SPECA-نىڭ بۇۇ-نىڭ باسقا دا حالىقارالىق جانە وڭىرلىك ۇيىمدارىمەن نەگىزگى باعىتتار بويىنشا ءتيىمدى ءارى جەدەل ءوزارا ءىس-قيمىلىن قۇرۋعا مۇمكىندىك بەرەدى.
ايتا كەتەيىك, 1997 جىلى بۇۇ ازىرلەگەن SPECA باعدارلاماسى قر تۇڭعىش پرەزيدەنتى نۇرسۇلتان نازارباەۆتىڭ باستاماسىمەن ىسكە قوسىلدى. قازىرگى ۋاقىتتا ونى جۇزەگە اسىرۋعا قازاقستان, قىرعىزستان, تاجىكستان, تۇركىمەنستان, وزبەكستان, ءازىربايجان جانە اۋعانستان ەلدەرى قاتىسۋدا.
ال سپەكا-نىڭ ماقساتى - اتالعان ەلدەردىڭ ءوزارا ىنتىماقتاستىعىن تەرەڭدەتۋگە ىقپال ەتۋ, ەكونوميكالىق دامۋدى ىنتالاندىرۋ جانە ولاردىڭ ەۋروپا جانە ازيا ەلدەرى ەكونوميكاسى ينتەگراتسياسىنا جاردەم ەتۋ.
